16.74C Vancouver 16.74C VancouverDec 3, 2022 1:27 AM - The Canadian Press
ਕੈਨੇਡਾ ਦੇ ਬੇਰੁਜਗਾਰੀ ਅੰਕੜਿਆਂ 'ਚ ਨਵੰਬਰ ਦੇ ਮਹੀਨੇ 'ਚ ਅਕਤੂਬਰ ਮੁਕਾਬਲੇ ਬਹੁਤਾ ਫਰਕ ਨਹੀਂ ਆਇਆ।
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਨਵੰਬਰ ਦੇ ਮਹੀਨੇ 'ਚ ਬੇਰੁਜਗਾਰੀ ਦਰ 5.1% 'ਤੇ ਦਰਜ ਕੀਤਾ ਗਿਆ।
ਅਕਤੂਬਰ 'ਚ ਇਹ ਅੰਕੜਾ 5.2% 'ਤੇ ਦਰਜ ਕੀਤਾ ਗਿਆ ਸੀ।
ਏਜੈਂਸੀ ਦਾ ਕਹਿਣਾ ਹੈ ਕਿ ਨਵੰਬਰ ਦੇ ਮਹੀਨੇ 'ਚ ਕੈਨੇਡਾ 'ਚ ਕਰੀਬ 10,000 ਨੌਕਰੀਆਂ ਦਾ ਵਾਧਾ ਹੋਇਆ।
ਉੱਧਰ ਬੀ.ਸੀ. 'ਚ ਬੇਰੁਜਗਾਰੀ ਦਰ 'ਚ 2 ਬੇਸਿਸ ਪਾਇੰਟ ਦਾ ਵਾਧਾ ਦਰਜ ਕੀਤਾ ਗਿਆ ਅਤੇ ਨਵੰਬਰ 'ਚ ਅੰਕੜਾ 4.4% 'ਤੇ ਦਰਜ ਕੀਤਾ ਗਿਆ।
ਬੀ.ਸੀ. ਦੇ ਜੌਬਸ ਮੰਤਰੀ ਰਵੀ ਕਾਹਲੋਂ ਨੇ ਕਿਹਾ ਕਿ ਬੀ.ਸੀ. ਨੇ ਬੀਤੇ ਹਫ਼ਤੇ ਕਰੀਬ 14,000 ਨੌਕਰੀਆਂ ਗਵਾਈਆਂ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਇਸ 'ਚ ਬਹੁਤੀਆਂ ਨੌਕਰੀਆਂ ਪਾਰਟ-ਟਾਈਮ ਪੋਜੀਸ਼ਨਸ ਸਨ।
ਹਾਲਾਂਕਿ ਰਵੀ ਕਾਹਲੋਂ ਨੇ ਕਿਹਾ ਕਿ ਸੂਬੇ ਨੇ ਨਵੰਬਰ 'ਚ 9,000 ਦੇ ਕਰੀਬ ਫੁੱਲ-ਟਾਈਮ ਨੌਕਰੀਆਂ ਦਾ ਵਾਧਾ ਦਰਜ ਕੀਤਾ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਪੈਂਡੈਮਿਕ ਤੋਂ ਪਹਿਲਾਂ ਦੇ ਅੰਕੜਿਆਂ ਮੁਕਾਬਲੇ ਹੁਣ ਬੀ.ਸੀ. ਦੇ 100,000 ਤੋਂ ਵਧੇਰੇ ਲੋਕ ਨੌਕਰੀਆਂ ਕਰ ਰਹੇ ਹਨ।
