13.44C Vancouver 13.44C VancouverJan 17, 2025 7:33 PM - Connect Newsroom
ਨਾਰਥ ਵੈਨਕੂਵਰ ਤੋਂ ਐਮਪੀ ਜੋਨਾਥਨ ਵਿਲਕਿਨਸਨ ਨੇ ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਚੋਣ ਲੜਨ ਤੋਂ ਖੁਦ ਨੂੰ ਇੱਕ ਪਾਸੇ ਕਰ ਲਿਆ ਹੈ। ਵਿਲਕਿਨਸਨ ਮੌਜੂਦਾ ਸਮੇਂ ਟਰੂਡੋ ਕੈਬਨਿਟ ਵਿਚ ਕੁਦਰਤੀ ਸਰੋਤ ਅਤੇ ਊਰਜਾ ਮੰਤਰੀ ਹਨ।
ਉਨ੍ਹਾਂ ਇੱਕ ਬਿਆਨ ਵਿਚ ਕਿਹਾ ਕਿ ਇੱਕ ਊਰਜਾ ਮੰਤਰੀ ਦੇ ਤੌਰ ’ਤੇ ਟਰੰਪ ਦੇ ਟੈਰਿਫ ਨਾਲ ਨਜਿੱਠਣ ਲਈ ਇਸ ਸਮੇਂ ਮੇਰੀ ਕੈਬਨਿਟ ਵਿਚ ਜ਼ਰੂਰਤ ਜ਼ਿਆਦਾ ਹੈ।
ਉਨ੍ਹਾਂ ਕਿਹਾ ਕਿ ਇੱਕ ਕੈਨੇਡੀਅਨ ਦੇ ਤੌਰ ’ਤੇ ਉਹ ਇਸ ਜ਼ਿੰਮੇਵਾਰੀ ਨੂੰ ਗੰਭੀਰਤਾ ਨਾਲ ਲੈ ਰਹੇ ਹਨ ਅਤੇ ਇਸ ਨਾਜ਼ੁਕ ਸਮੇਂ ਕੈਬਨਿਟ ਵਿਚ ਆਪਣੇ ਅਹੁਦੇ ਤੋਂ ਹਟਣਾ ਉਨ੍ਹਾਂ ਦੇ ਵਿਚਾਰ ਵਿਚ ਠੀਕ ਨਹੀਂ ਹੋਵੇਗਾ।
ਗੌਰਤਲਬ ਹੈ ਕਿ ਜੋਨਾਥਨ ਵਿਲਕਿਨਸਨ ਪਹਿਲੀ ਵਾਰ 2015 ਵਿਚ ਨਾਰਥ ਵੈਨਕੂਵਰ ਤੋਂ ਸੰਸਦ ਮੈਂਬਰ ਚੁਣੇ ਗਏ ਸਨ। ਸਸਕੈਚਵਨ ਵਿਚ ਪਲੇ-ਵਧੇ ਵਿਲਕਿਨਸਨ ਮੌਜੂਦਾ ਸਮੇਂ ਨਾਰਥ ਵੈਨਕੂਵਰ ਵਿਚ ਆਪਣੇ ਪਰਿਵਾਰ ਨਾਲ ਰਹਿ ਰਹੇ ਹਨ।
