14.83C Vancouver 14.83C VancouverJun 6, 2022 9:33 PM - The Canadian Press
ਐਬਟਸਫੋਰਡ ਦੇ ਨਾਮੀ ਪੌਪ ਰੌਕ ਬੈਂਡ ਹੈਡਲੀ ਦੇ ਲੀਡ ਗਾਇਕ ਨੂੰ ਜਿਸਮਾਨੀ ਨੁਕਸਾਨ ਪਹੁੰਚਾਉਣ ਵਾਲੇ ਜਿਨਸੀ ਹਮਲੇ ਦਾ ਦੋਸ਼ੀ ਪਾਇਆ ਗਿਆ ਹੈ।
ਜੈਕਬ ਹੌਗਰਡ ਨੂੰ ਐਤਵਾਰ ਨੂੰ ਟੋਰੌਂਟੋ ਜਿਊਰੀ ਨੇ ਔਟਵਾ ਦੀ ਇੱਕ ਔਰਤ ਨਾਲ ਵਾਪਰੀ ਘਟਨਾ 'ਚ ਦੋਸ਼ੀ ਪਾਇਆ ਸੀ।
ਹਾਲਾਂਕਿ ਉਸ ਨੂੰ ਇੱਕ ਟੀਨੇਜਰ ਲੜਕੀ ਨਾਲ ਵਾਪਰੀ ਉਸੇ ਪ੍ਰਕਾਰ ਦੀ ਘਟਨਾ 'ਚ ਬੇਕਸੂਰ ਐਲਾਨਿਆ ਗਿਆ।
ਅੱਜ ਇਸੇ ਮਾਮਲੇ 'ਚ ਹੋਈ ਕੋਰਟ ਦੀ ਸੁਣਵਾਈ 'ਚ 37 ਸਾਲਾ ਪ੍ਰਫਾਰਮਰ ਦੀ ਜਮਾਨਤ ਸੰਬੰਧੀ ਸਖਤ ਸ਼ਰਤਾਂ ਰੱਖੀਆਂ ਗਈਆਂ ਹਨ।
ਜਮਾਨਤ ਦੀਆਂ ਸ਼ਰਤਾਂ ਅਨੁਸਾਰ ਜੈਕਬ ਹੌਗਰਡ 'ਤੇ ਰਾਤ 10 ਵਜੇ ਤੋਂ ਸਵੇਰ 6 ਵਜੇ ਤਕ ਕਰਫਿਊ ਲਾਗੂ ਹੋਵੇਗਾ।
ਉਸ ਨੂੰ ਵੈਨਕੂਵਰ 'ਚ ਕਿਸੇ ਖਾਸ ਪਤੇ 'ਤੇ ਰਹਿਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ।
ਹਾਲਾਂਕਿ ਇਸ ਵਿਚਾਲੇ ਉਸ ਨੂੰ ਸਿਰਫ ਔਂਟੈਰੀਓ 'ਚ ਕੋਰਟ ਦੀ ਸੁਣਵਾਈ 'ਚ ਸ਼ਾਮਿਲ ਹੋਣ ਲਈ ਯਾਤਰਾ ਦੀ ਇਜਾਜਤ ਹੋਵੇਗੀ।
ਸ਼ਿਕਾਇਤਕਰਤਾਵਾਂ ਨਾਲ ਕਿਸੇ ਵੀ ਕਿਸਮ ਦਾ ਸੰਪਰਕ ਬਣਾਉਣ 'ਤੇ ਰੋਕ ਲਗਾਈ ਗਈ ਹੈ।
ਗਾਇਕ ਦੀ ਪਤਨੀ ਨੂੰ ਸਹਿਯੋਗ ਦੀ ਪੁਸ਼ਟੀ ਲਈ $200,000 ਦਾ ਬੌਂਡ ਜਮ੍ਹਾਂ ਕਰਨ ਲਈ ਕਿਹਾ ਗਿਆ ਹੈ।
