21.08C Vancouver 21.08C VancouverJun 23, 2025 8:27 PM - The Canadian Press
ਬੀ.ਸੀ. ਦੇ ਐਜਵੁੱਡ ਸਥਿਤ ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਨੂੰ ਫੈਡਰਲ ਕੋਰਟ ਆਫ ਅਪੀਲ ਤੋਂ ਝਟਕਾ ਲੱਗਾ ਹੈ। ਫਾਰਮ ਦੇ ਮਾਲਕਾਂ ਨੇ ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਵਲੋਂ ਉਸ ਦੇ ਸ਼ੁਤਰਮੁਰਗਾਂ ਨੂੰ ਮਾਰੇ ਜਾਣ ਦੇ ਦਿੱਤੇ ਗਏ ਹੁਕਮਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਤਹਿਤ ਅਪੀਲ ਕੋਰਟ ਵਿਚ ਮੰਗ ਕੀਤੀ ਸੀ ਕਿ ਉਸ ਦੇ ਝੁੰਡ ਦੀ ਇੱਕ ਵਾਰ ਫਿਰ ਤੋਂ ਏਵੀਅਨ ਫਲੂ ਜਾਂਚ ਕਰਵਾਏ ਜਾਣ ਦੇ ਨਿਰਦੇਸ਼ ਦਿੱਤੇ ਜਾਣ, ਜਿਸ ਤੋਂ ਕੋਰਟ ਨੇ ਇਨਕਾਰ ਕਰ ਦਿੱਤਾ।
ਗੌਰਤਲਬ ਹੈ ਕਿ ਇਸ ਸਾਲ ਦੇ ਸ਼ੁਰੂ ਵਿਚ ਏਵੀਅਨ ਫਲੂ ਦੇ ਫੈਲਣ ਤੋਂ ਬਾਅਦ ਸੀ.ਐਫ.ਆਈ.ਏ. ਨੇ ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਨੂੰ ਆਪਣੇ 400 ਦੇ ਕਰੀਬ ਸ਼ੁਤਰਮੁਰਗ ਮਾਰਨ ਦੇ ਆਦੇਸ਼ ਦਿੱਤੇ ਸਨ।
ਫਾਰਮ ਦੇ ਮਾਲਕ ਸੀ.ਐਫ.ਆਈ.ਏ. ਨੂੰ ਸੁਤੰਤਰ ਜਾਂਚ ਕਰਵਾਏ ਜਾਣ ਦੀ ਮੰਗ ਕਰ ਰਹੇ ਸਨ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੇ ਸਾਰੇ ਸ਼ੁਤਰਮੁਰਗ ਹੁਣ ਬਿਲਕੁਲ ਠੀਕ ਹਨ।
ਉਨ੍ਹਾਂ ਕੋਰਟ ਤੋਂ ਏਜੰਸੀ ਵਲੋਂ ਅਜਿਹੇ ਟੈਸਟਾਂ 'ਤੇ ਪਾਬੰਦੀ ਲਾਉਣ ਵਾਲੇ ਨਿਰਦੇਸ਼ ਨੂੰ ਵੀ ਸਸਪੈਂਡ ਕਰਨ ਦੀ ਮੰਗ ਕੀਤੀ ਸੀ ਪਰ ਜੱਜ ਨੇ ਦੋਵੇਂ ਬੇਨਤੀਆਂ ਨੂੰ ਰੱਦ ਕਰ ਦਿੱਤਾ।
