26.59C Vancouver 26.59C VancouverSep 30, 2020 10:36 PM -
ਮੰਗ ਵੰਜੋ ਦੇ ਵਕੀਲਾਂ ਨੂੰ ਅਮਰੀਕੀ ਅਧਿਕਾਰੀਆਂ ਵੱਲੋਂ ਮਾਮਲੇ 'ਚ ਤੱਥਾਂ ਨੂੰ ਤੋੜ ਮਰੋੜ ਕੇ ਪੇਸ਼ ਕਰਨ ਦੀ ਦਲੀਲ ਅੱਗੇ ਵਧਾਉਣ ਦਾ ਮੌਕਾ ਦਿੱਤਾ ਜਾਵੇ ਜਾਂ ਨਹੀਂ, ਇਸ ਸੰਬੰਧੀ ਬੀ.ਸੀ. ਸੁਪ੍ਰੀਮ ਕੋਰਟ ਜੱਜ ਨੇ ਆਪਣਾ ਫੈਸਲਾ ਰਾਖਵਾਂ ਰੱਖ ਲਿਆ ਹੈ।
ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਦੇ ਵਕੀਲਾਂ ਦਾ ਕਹਿਣਾ ਹੈ ਕਿ ਅਮਰੀਕਾ ਨੇ ਕਨੇਡੀਅਨ ਅਧਿਕਾਰੀਆਂ ਸਾਹਮਣੇ ਗਲਤ ਤੱਥ ਪੇਸ਼ ਕੀਤੇ, ਜਿਸ ਦੇ ਆਧਾਰ 'ਤੇ ਮੰਗ ਵੰਜੋ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਐਸੋਸੀਏਟ ਚੀਫ਼ ਜਸਟਿਸ ਹੈਦਰ ਹੋਮਸ ਨੇ ਇਸ ਸੰਬੰਧੀ ਵੀ ਫੈਸਲਾ ਰਾਖਵਾਂ ਰੱਖਿਆ ਕਿ ਮੰਗ ਵੰਜੋ ਨੂੰ ਐਕਸਟਰਾਡਿਸ਼ਨ ਖਿਲਾਫ਼ ਲੜਾਈ 'ਚ ਮੰਗ ਵੰਜੋ ਨੂੰ ਹੋਰ ਸਬੂਤ ਪੇਸ਼ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇ ਜਾਂ ਨਹੀਂ।
ਮੰਗ ਵੰਜੋ ਨੂੰ ਅਮਰੀਕਾ 'ਚ ਧੋਖਾਧੜੀ ਦੇ ਇਲਜ਼ਾਮਾਂ 'ਚ ਵਾਂਟਿਡ ਦੱਸਿਆ ਗਿਆ ਹੈ।
ਹਾਲਾਂਕਿ ਮੰਗ ਵੰਜੋ ਅਤੇ ਵੁਆਵੇ ਨੇ ਲਗਾਤਾਰ ਇਨ੍ਹਾਂ ਇਲਜ਼ਾਮਾਂ ਨੂੰ ਗਲਤ ਦੱਸਿਆ ਹੈ।
ਯਾਦ ਰਹੇ ਮੰਗਲਵਾਰ ਨੂੰ ਕਰਾਊਨ ਪ੍ਰਸਿਕਿਊਟਰ ਰੌਬਰਟ ਫ੍ਰੇਟਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਕਾਮਯਾਬ ਹੋਣ ਦਾ ਕੋਈ ਮੌਕਾ ਨਹੀਂ ਹੈ।
ਉਨ੍ਹਾਂ ਮੰਗ ਵੰਜੋ ਦੇ ਵਕੀਲਾਂ ਨੂੰ ਦਿੱਤੇ ਜਾ ਰਹੇ ਦਲੀਲਾਂ ਪੇਸ਼ ਕਰਨ ਦੇ ਮੌਕਿਆਂ ਨੂੰ ਸੀਮਤ ਰੱਖਣ ਨੂੰ ਕਿਹਾ ਸੀ।
ਉਨ੍ਹਾਂ ਐਸੋਸੀਏਟ ਚੀਫ਼ ਜਸਟਿਸ ਹੈਦਰ ਹੋਮਸ ਨੂੰ ਕਿਹਾ ਕਿ ਐਕਸਟਰਾਡਿਸ਼ਨ ਜੱਜ ਦੀ ਇੱਕ ਗੇਟਕੀਪਰ ਜਿਹੀ ਭੂਮਿਕਾ ਹੁੰਦੀ ਹੈ, ਤਾਂ ਜੋ ਪੁਖਤਾ ਕੀਤਾ ਜਾ ਸਕੇ ਕਿ ਪ੍ਰੋਸੀਡਿੰਗਸ ਸਹੀ ਤਰੀਕੇ ਨਾਲ ਜਾਰੀ ਰਹਿਣ।
