10.1C Vancouver 10.1C VancouverOct 12, 2021 10:40 PM -
ਇੱਕ ਫੈਡਰਲ ਜੱਜ ਨੇ ਕੈਨੇਡਾ ਦੇ ਚੋਟੀ ਦੇ ਫੌਜੀ ਅਫ਼ਸਰ ਨੂੰ ਕੈਨੇਡਾ ਦੇ ਵੈਕਸੀਨ ਰੋਲਆਊਟ ਦੇ ਮੁਖੀ ਵਜੋਂ ਆਪਣੀ ਜਿੰਮੇਵਾਰੀ 'ਤੇ ਪਰਤਣ ਦੀ ਬੇਨਤੀ ਰੱਦ ਕਰ ਦਿੱਤੀ ਹੈ।
ਜਸਟਿਸ ਐਨ ਮਾਰੀ ਮੈਕਡੌਨਲਡ ਨੇ ਇਸ ਮਾਮਲੇ 'ਚ ਫੈਸਲਾ ਸੁਣਾਇਆ ਹੈ।
ਬੀਤੇ ਮਹੀਨੇ ਹੋਈ ਇਸ ਮਾਮਲੇ ਸੰਬੰਧੀ 2 ਦਿਨ ਦੀ ਸੁਣਵਾਈ ਦੌਰਾਨ ਵਕੀਲਾਂ ਨੇ ਬਹਿਸ ਕੀਤੀ ਸੀ ਕਿ ਜੇਕਰ ਮੇਜਰ ਜਨਰਲ ਡੈਨੀ ਫੌਰਟੈਂ ਆਪਣੇ ਅਹੁਦੇ ਤੋਂ ਹਟਾਏ ਜਾਣ ਦੇ ਫੈਸਲੇ ਤੋਂ ਖੁਸ਼ ਨਹੀਂ ਹਨ ਤਾਂ ਮਿਲਟਰੀ ਨੂੰ ਸ਼ਿਕਾਇਤ ਕਰਨ।
ਹਾਲਾਂਕਿ ਫੌਰਟੈਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਹਟਾਏ ਜਾਣ ਦੀ ਕਾਰਵਾਈ ਰਾਜਨੀਤਕ ਸੀ।
ਮੈਕਡੌਨਲਡ ਨੇ ਫੈਸਲੇ 'ਚ ਕਿਹਾ ਕਿ ਉਨ੍ਹਾਂ ਨੂੰ ਮਿਲਟਰੀ ਦੇ ਗਰੀਵੈਂਸ ਸਿਸਟਮ ਦਾ ਆਸਰਾ ਲੈਣਾ ਚਾਹੀਦਾ ਹੈ।
ਯਾਦ ਰਹੇ ਮੇਜਰ ਜਨਰਲ ਡੈਨੀ ਫੌਰਟੈਂ ਨੂੰ ਜਿਨਸੀ ਬਦਸਲੂਕੀ ਦੇ ਇਲਜਾਮ ਲੱਗਣ ਤੋਂ ਬਾਅਦ ਅਹੁਦੇ ਤੋਂ ਹਟਾਇਆ ਗਿਆ ਸੀ।
