11.16C Vancouver 11.16C VancouverApr 21, 2021 5:33 PM -
ਮੰਗ ਵੰਜੋ ਦੇ ਅਮਰੀਕਾ ਨੂੰ ਸਪੁਰਦਗੀ ਦੇ ਮਾਮਲੇ 'ਚ ਬੀ.ਸੀ. ਸੁਪ੍ਰੀਮ ਕੋਰਟ ਜੱਜ ਵੱਲੋਂ ਅੱਜ ਮੰਗ ਵੰਜੋ ਨੂੰ ਕੁਝ ਰਾਹਤ ਪ੍ਰਦਾਨ ਕਰਨ ਵਾਲਾ ਫੈਸਲਾ ਸੁਣਾਇਆ ਗਿਆ ਹੈ।
ਇਹ ਫੈਸਲਾ ਇਸ ਬਾਬਤ ਹੈ ਕਿ ਇਸ ਕੇਸ ਨੂੰ ਵਧੇਰੇ ਡਿਲੇਅ (delay) ਕਰਨ ਦੀ ਇਜਾਜਤ ਦੇ ਦਿੱਤੀ ਗਈ ਹੈ।
ਇਸ ਦਾ ਅਰਥ ਹੈ ਕਿ ਹੁਣ ਇਹ ਮਾਮਲਾ 3 ਮਹੀਨੇ ਹੋਰ ਡਿਲੇਅ ਕੀਤਾ ਜਾਵੇਗਾ।
ਹੁਣ ਇਸ ਮਾਮਲੇ ਨੂੰ 3 ਅਗਸਤ ਤਕ ਮੁਲਤਵੀ ਕਰ ਦਿੱਤਾ ਗਿਆ ਹੈ।
ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਦੀ ਲੀਗਲ ਟੀਮ ਨੇ ਬੀ.ਸੀ. ਸੁਪ੍ਰੀਮ ਕੋਰਟ ਜੱਜ ਤੋਂ ਮੰਗ ਕੀਤੀ ਸੀ ਕਿ ਮੰਗ ਵੰਜੋ ਦੇ ਅਮਰੀਕਾ ਨੂੰ ਸਪੁਰਦਗੀ ਦੇ ਮਾਮਲੇ 'ਚ ਨਵੇਂ ਸਬੂਤਾਂ ਦੇ ਰੀਵਿਊ ਲਈ ਵਧੇਰੇ ਸਮਾਂ ਪ੍ਰਦਾਨ ਕੀਤਾ ਜਾਵੇ।
ਐਸੋਸੀਏਟ ਚੀਫ਼ ਜਸਟਿਸ ਹੈਦਰ ਹੋਮਸ (Associate Chief Justice Heather Holmes) ਤੋਂ ਉਨ੍ਹਾਂ ਸੋਮਵਾਰ ਨੂੰ ਮੰਗ ਕੀਤੀ ਸੀ ਕਿ ਹੌਂਗ ਕੌਂਗ 'ਚ ਕੋਰਟ ਦੇ ਨਿਰਦੇਸ਼ ਤੋਂ ਬਾਅਦ ਹਾਸਿਲ ਕੀਤੇ ਗਏ ਦਸਤਾਵੇਜ਼, ਇਹ ਸਾਬਿਤ ਕਰਨ ਲਈ ਅਹਿਮ ਹਨ ਕਿ ਅਮਰੀਕਾ ਨੇ ਕਨੇਡੀਅਨ ਅਧਿਕਾਰੀਆਂ ਨੂੰ ਗੁਮਰਾਹ ਕਰ ਮੰਗ ਵੰਜੋ ਨੂੰ ਗਲਤ ਜਾਣਕਾਰੀ ਦੇ ਆਧਾਰ 'ਤੇ ਗ੍ਰਿਫਤਾਰ ਕਰਵਾਇਆ ਸੀ।
