9.53C Vancouver 9.53C VancouverMar 25, 2025 7:14 PM - The Canadian Press
ਕੈਲਗਰੀ ਵਿਚ ਜ਼ਖ਼ਮੀ ਬੱਚੇ ਨੂੰ ਸਮੇਂ ਸਿਰ ਹਸਪਤਾਲ ਨਾ ਲੈ ਜਾਣ ਵਾਲੇ ਮਾਪਿਆਂ ਦੀ ਸਜ਼ਾ ਦੀ ਸੁਣਵਾਈ ਨੂੰ ਜੱਜ ਦੇ ਬੀਮਾਰ ਹੋਣ ਕਾਰਨ ਬੀਤੇ ਦਿਨ ਟਾਲ ਦਿੱਤਾ ਗਿਆ। ਸੋਨੀਆ ਪਾਸਕਵਾ ਅਤੇ ਮਾਈਕਲ ਸਿੰਕਲੇਅਰ ਨੂੰ ਪਿਛਲੇ ਸਾਲ ਦਸੰਬਰ ਵਿਚ ਕਤਲ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ। ਉਨ੍ਹਾਂ ਦੀ ਸਜ਼ਾ ਦੇਣ ਦੀ ਅਗਲੀ ਤਾਰੀਖ ਸ਼ੁੱਕਰਵਾਰ ਨੂੰ ਨਿਸ਼ਚਿਤ ਕੀਤੀ ਜਾਵੇਗੀ।
ਅਦਾਲਤ ਵਿਚ ਦਰਜ ਸਟੇਟਮੈਂਟ ਮੁਤਾਬਕ 18 ਮਹੀਨਿਆਂ ਦੇ ਬੱਚੇ ਦਾ ਸਿਰ ਸੜ ਗਿਆ ਸੀ ਅਤੇ ਉਸ ਦੇ ਮਾਂ-ਬਾਪ ਨੇ ਉਸ ਨੂੰ ਮੈਡੀਕਲ ਇਲਾਜ ਦੇਣ ਦੀ ਬਜਾਏ ਸ਼ਹਿਦ ਲਗਾਇਆ। ਸਿਰ ਵਿਚ ਲੱਗੀ ਸੱਟ ਅਤੇ ਇਨਫੈਕਸ਼ਨ ਕਾਰਨ ਬੱਚੇ ਦੀ ਮੌਤ ਹੋ ਗਈ ਸੀ।
ਬਾਲ ਸਰਜਨ ਨੇ ਦੱਸਿਆ ਸੀ ਕਿ ਬੱਚਾ ਜਿਸ ਤਰ੍ਹਾਂ ਸੜਿਆ ਸੀ,ਉਸ ਨੂੰ ਉਸੇ ਸਮੇਂ ਹਸਪਤਾਲ ਲੈ ਜਾਣ ਦੀ ਜ਼ਰੂਰਤ ਸੀ। ਜਦ ਉਸ ਦੇ ਮਾਂ-ਬਾਪ ਨੂੰ ਅਦਾਲਤ ਵਲੋਂ ਬੱਚੇ ਦੇ ਜ਼ਖਮੀ ਹੋਣ ਦਾ ਕਾਰਨ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਵੱਖ-ਵੱਖ ਬਿਆਨ ਦਿੱਤੇ। ਪਹਿਲਾਂ ਉਨ੍ਹਾਂ ਕਿਹਾ ਕਿ ਬੱਚਾ ਬਾਥਰੂਮ ਵਿਚ ਡਿੱਗ ਗਿਆ ਸੀ ਅਤੇ ਫਿਰ ਕਿਹਾ ਕਿ ਉਸ ਨੇ ਉੱਬਲਦਾ ਪਾਣੀ ਆਪਣੇ ਉੱਪਰ ਪਾ ਲਿਆ ਸੀ। ਫਿਲਹਾਲ ਇਹ ਪਤਾ ਨਹੀਂ ਲੱਗਾ ਕਿ ਬੱਚਾ ਕਿਵੇਂ ਜ਼ਖਮੀ ਹੋਇਆ ਸੀ।
