19.88C Vancouver 19.88C VancouverMar 5, 2021 6:36 PM -
ਸਰੀ ਦੇ ਵਿੱਚ ਪੁਲਿਸ ਦੀ ਗੋਲੀ ਨਾਲ ਹੋਈ ਇੱਕ 20 ਸਾਲਾ ਯੁਵਕ ਦੀ ਮੌਤ ਦੇ ਮਾਮਲੇ ਵਿੱਚ ਕੋਰੋਨਰ ਦੀ ਜਿਊਰੀ ਨੇ 4 ਦਿਨ ਦੇ ਇੰਕਵੈਸਟ ਤੋਂ ਬਾਅਦ ਸਿਫਾਰਸ਼ਾਂ ਜਾਰੀ ਕੀਤੀਆਂ ਹਨ।
ਹਡਸਨ ਬਰੂਕਸ ਦੀ ਜੁਲਾਈ 2015 'ਚ ਉਸ ਵੇਲੇ ਮੌਤ ਹੋ ਗਈ ਸੀ, ਜਦ ਉਸ 'ਤੇ 9 ਵਾਰ ਗੋਲੀ ਚਲਾਈ ਗਈ ਸੀ।
ਸਰੀ ਡਿਟੈਚਮੈਂਟ ਦੇ ਬਾਹਰ ਕਿਸੇ ਪ੍ਰਕਾਰ ਦੀ ਕਹਾਸੁਣੀ ਤੋਂ ਬਾਅਦ ਉਹ ਆਰ.ਸੀ.ਐਮ.ਪੀ. ਕਾਂਸਟੇਬਲ ਐਲਿਜ਼ਾਬੈਥ ਕੋਚੈਰਨ ਵੱਲ ਵਧਿਆ ਸੀ।
ਪਹਿਲੀ ਸਿਫਾਰਿਸ਼ 'ਚ ਆਰ.ਸੀ.ਐਮ.ਪੀ. ਲਈ ਵਧੇਰੇ ਟ੍ਰੇਨਿੰਗ ਅਤੇ ਇੰਸੀਡੈਂਟ ਮੈਨੇਜਮੈਂਟ ਲਈ ਬਿਹਤਰ ਕਮਿਊਨੀਕੇਸ਼ਨ ਦੀ ਗੱਲ ਆਖੀ ਗਈ ਹੈ।
ਦੂਜੀ ਸਿਫਾਰਿਸ਼ 'ਚ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ (Independent Investigations Office) ਨੂੰ ਆਪਣੀ ਜਾਂਚ ਦੀ ਰਿਪੋਰਟ ਆਰ.ਸੀ.ਐਮ.ਪੀ. ਨੂੰ ਸੌਂਪਣ ਨੂੰ ਕਿਹਾ ਗਿਆ ਹੈ ਤਾਂ ਜੋ ਟ੍ਰੇਨਿੰਗ ਨੂੰ ਬਿਹਤਰ ਬਣਾਇਆ ਜਾ ਸਕੇ।
ਤੀਜੀ ਸਿਫਾਰਿਸ਼ 'ਚ ਸੂਬੇ ਨੂੰ ਸਟੰਨ ਗੰਨ ਜਿਹੀ ਨਵੀਂ ਤਕਨੀਕ 'ਤੇ ਵਧੇਰੇ ਨਿਰਭਰ ਕਰਨ ਨੂੰ ਕਿਹਾ ਗਿਆ ਹੈ।
ਕੋਚੈਰਨ ਨੇ ਬਰੂਕਸ 'ਤੇ ਕੁੱਲ 12 ਵਾਰ ਗੋਲੀ ਚਲਾਈ ਸੀ।
ਉਨ੍ਹਾਂ ਦੱਸਿਆ ਸੀ ਕਿ ਉਹ ਉਸ ਵੇਲੇ ਡਰ ਗਈ ਸੀ, ਜਦ ਬਰੁਕਸ 'ਕਿਲ ਮੀ' ਯਾਨੀ ਕਿ 'ਮੈਨੂੰ ਮਾਰ ਦਿਓ' ਕਹਿੰਦਾ ਹੋਇਆ ਉਸ ਵੱਲ ਵਧਿਆ ਸੀ।
ਉਸ ਮੌਕੇ ਬਰੂਕਸ ਕੋਲ ਕੋਈ ਹਥਿਆਰ ਨਹੀਂ ਸੀ।
ਬੀ.ਸੀ. ਪ੍ਰੌਸੀਕਿਊਸ਼ਨ ਸਿਸਟਮ ਦਾ ਕਹਿਣਾ ਸੀ ਕਿ ਘਟਨਾ ਮੌਕੇ ਬਰੂਕਸ ਨੇ ਸ਼ਰਾਬ ਅਤੇ ਕੋਕੇਨ ਦਾ ਸੇਵਨ ਕੀਤਾ ਹੋਇਆ ਸੀ।
