16.16C Vancouver 16.16C VancouverSep 9, 2024 1:27 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਅਗਵਾਈ ਵਿਚ ਸੋਮਵਾਰ ਨੂੰ ਲਿਬਰਲ ਐਮ ਪੀ ਅਗਾਮੀ ਚੁਣਾਵੀ ਸਾਲ ਲਈ ਰਣਨੀਤੀ ਬਣਾਉਣ ਦੀ ਚਰਚਾ ਵਾਸਤੇ ਨਾਨਾਇਮੋ ਵਿਚ ਇਕੱਠੇ ਹੋਏ ਹਨ,ਇਹ ਬੈਠਕ ਉਸ ਸਮੇਂ ਹੋ ਰਹੀ ਹੈ ਜਦੋਂ ਐੱਨ. ਡੀ. ਪੀ. ਨੇ ਸਮਰਥਨ ਵਾਪਸ ਲੈ ਲਿਆ ਹੈ ਅਤੇ ਸੰਸਦ ਦੀ ਪਤਝੜ ਵਿੱਚ ਹੋਣ ਵਾਲੀ ਬੈਠਕ 16 ਸਤੰਬਰ ਨੂੰ ਸ਼ੁਰੂ ਹੋਣ ਵਾਲੀ ਹੈ।
ਕਿਹਾ ਜਾਂਦਾ ਹੈ ਕਿ ਪਾਰਟੀ ਵਿਚ ਮਚੀ ਰਾਜਨੀਤਕ ਉਥਲ-ਪੁਥਲ ਕਾਰਨ ਟਰੂਡੋ ਨੂੰ ਆਪਣੇ ਕਾਕਸ ਵਿਚ ਕਾਫੀ ਕੁਝ ਸੁਣਨ ਨੂੰ ਮਿਲ ਸਕਦਾ ਹੈ। ਟੋਰੌਂਟੋ ਦੀ ਜ਼ਿਮਨੀ ਚੋਣ ਵਿਚ ਇਤਿਹਾਸਕ ਹਾਰ ਤੋਂ ਬਾਅਦ ਹੀ ਕਈ ਲਿਬਰਲ ਐਮ.ਪੀ ਟਰੂਡੋ ਨੂੰ ਪਾਰਟੀ ਦੀ ਵਿਸ਼ੇਸ਼ ਬੈਠਕ ਬੁਲਾਉਣ ਦੀ ਮੰਗ ਕਰ ਰਹੇ ਸਨ ਪਰ ਇਹ ਬੈਠਕ ਹੋ ਨਹੀਂ ਸਕੀ ਸੀ।
ਲਿਬਰਲਸ ਨੂੰ ਹੁਣ ਪਤਾ ਹੈ ਕਿ ਸਮੇਂ ਤੋਂ ਪਹਿਲਾਂ ਇਲੈਕਸ਼ਨ ਟਾਲਣ ਲਈ ਉਹ ਐੱਨ ਡੀ ਪੀ'ਤੇ ਭਰੋਸਾ ਨਹੀਂ ਕਰ ਸਕਦੇ। ਇਸ ਲਈ ਲਿਬਰਲ ਐਮ ਪੀ ਹੁਣ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਉਨ੍ਹਾਂ ਦੇ ਸਲਾਹਕਾਰਾਂ ਵਲੋਂ ਇੱਕ ਅਜਿਹੀ ਯੋਜਨਾ ਦਾ ਇੰਤਜ਼ਾਰ ਕਰ ਰਹੇ ਹਨ ਜੋ ਅਗਾਮੀ ਚੋਣਾਂ ਵਿਚ ਉਨ੍ਹਾਂ ਦੀਆਂ ਸੀਟਾਂ ਬਚਾਉਣ ਵਿਚ ਮਦਦ ਕਰ ਸਕੇ।
ਗੌਰਤਲਬ ਹੈ ਕਿ ਜਗਮੀਤ ਸਿੰਘ ਵਲੋਂ ਸਮਰਥਨ ਵਾਪਸ ਲਏ ਜਾਣ ਨੇ ਟਰੂਡੋ 'ਤੇ ਇਸ ਗੱਲ ਦਾ ਦਬਾਅ ਵਧਾ ਦਿੱਤਾ ਹੈ ਕਿ ਉਹ ਪੀਅਰੇ ਪੋਲੀਵਰੇ ਨੂੰ ਰੋਕਣ ਲਈ ਸਮਰਥਨ ਨਹੀਂ ਹਨ।
