12.48C Vancouver 12.48C VancouverSep 5, 2023 6:21 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਇਸ ਹਫ਼ਤੇ ਤੋਂ ਇੰਡੋਨੇਸ਼ੀਆ, ਸਿੰਗਾਪੁਰ ਅਤੇ ਭਾਰਤ ਦੇ ਦੌਰੇ ‘ਤੇ ਹਨ।
ਮੰਗਲਵਾਰ ਨੂੰ ਟਰੂਡੋ ਇੰਡੋਨੇਸ਼ੀਆ ਦੀ ਰਾਜਧਾਨੀ ਜਕਾਰਤਾ ਪਹੁੰਚੇ ਹਨ।
ਇਸ ਮੌਕੇ 'ਤੇ ਉਨ੍ਹਾਂ ਦਾ ਬੇਟਾ ਜ਼ੇਵੀਅਰ ਵੀ ਨਾਲ ਮੌਜੂਦ ਸੀ, ਜਿੱਥੇ ਦੋਵਾਂ ਦਾ ਰਿਵਾਇਤੀ ਅੰਦਾਜ਼ ਵਿੱਚ ਸਵਾਗਤ ਕੀਤਾ ਗਿਆ ਅਤੇ ਇੱਕ ਰਵਾਇਤੀ ਸਕਾਰਫ਼ ਤੋਹਫ਼ੇ ਵਿੱਚ ਦਿੱਤਾ ਗਿਆ।
ਜਕਾਰਤਾ ਵਿਚ ਟਰੂਡੋ ਦੋ ਦਿਨ ਬਿਤਾਉਣਗੇ, ਅਤੇ ਇਸ ਦੌਰਾਨ ਉਹ ਰਾਸ਼ਟਰਪਤੀ ਜੋਕੋ ਵਿਡੋਡੋ ਨਾਲ ਅੱਜ ਸ਼ਾਮ ਨੂੰ ਮੁਲਾਕਾਤ ਕਰਨਗੇ।
ਬੁੱਧਵਾਰ ਨੂੰ ਟਰੂਡੋ ਜਕਾਰਤਾ ਵਿੱਚ ਚਲ ਰਹੇ 10 ਦੇਸ਼ਾਂ ਦੇ ਸਮੂਹ ਆਸੀਆਨ ਦੇ ਸੰਮੇਲਨ ਦੌਰਾਨ ਭਾਸ਼ਣ ਦੇਣਗੇ।
ਇਸ ਸੰਮੇਲਨ ਵਿਚ ਆਸੀਆਨ ਕੈਨੇਡਾ ਨਾਲ ਇੱਕ ਰਣਨੀਤਿਕ ਭਾਈਵਾਲੀ ਸਮਝੌਤਾ ਮਨਜ਼ੂਰ ਕਰ ਰਿਹਾ ਹੈ।
ਟਰੂਡੋ ਦੀ ਯਾਤਰਾ 'ਤੇ ਫੋਕਸ ਏਸ਼ੀਆਈ ਨੇਤਾਵਾਂ ਨਾਲ ਸਬੰਧਾਂ ਨੂੰ ਮਜ਼ਬੂਤ ਕਰਨ ਅਤੇ ਵਪਾਰਕ ਗੱਲਬਾਤ ਨੂੰ ਅੱਗੇ ਵਧਾਉਣ 'ਤੇ ਹੋਵੇਗਾ।
ਇੰਡੋਨੇਸ਼ੀਆ ਤੋਂ ਬਾਅਦ ਟ੍ਰੂਡੋ ਸਿੰਗਾਪੁਰ ਅਤੇ ਬਾਅਦ ਵਿੱਚ ਜੀ-20 ਸੰਮੇਲਨ ਵਿੱਚ ਸ਼ਾਮਲ ਹੋਣ ਲਈ ਭਾਰਤ ਦਾ ਦੌਰਾ ਕਰਨਗੇ।
