13.49C Vancouver 13.49C VancouverSep 3, 2020 3:34 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਵਰਚੂਅਲ ਫੇਰੀ ਅੱਜ ਦੂਜੇ ਦਿਨ ਵੀ ਜਾਰੀ ਰਹੇਗੀ।
ਕੱਲ੍ਹ ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਜੌਨ ਹੋਰਗਨ ਅਤੇ ਹੋਰ ਰਾਜਨੀਤਕ, ਵਪਾਰਕ ਅਤੇ ਵਾਤਾਵਰਣ ਦੇ ਆਗੂਆਂ ਨਾਲ ਮਿਲਣ ਤੋਂ ਬਾਅਦ ਅੱਜ ਟਰੂਡੋ ਅਟਲਾਂਟਿਕ ਸੂਬਿਆਂ ਦੇ ਲੀਡਰਾਂ ਨਾਲ ਗੱਲਬਾਤ ਕਰਨਗੇ।
ਨਿਊਫਨਲੈਂਡ ਅਤੇ ਲੈਬਰਾਡੋਰ ਦੇ ਲਿਬਰਲ ਪ੍ਰੀਮੀਅਰ ਐਂਡਰੂ ਫੂਰੇ ਨਾਲ ਮੀਟਿੰਗ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਕਈ ਕਾਰੋਬਾਰਾਂ ਦੇ ਨਾਲ ਵੀ ਮਿਲਣਗੇ।
ਟਰੂਡੋ 23 ਸਤੰਬਰ ਨੂੰ ਥਰੋਨ ਸਪੀਚ ਵਿੱਚ 'ਰਿਕਵਰੀ ਪਲਾਨ' ਦੇ ਵੇਰਵੇ ਸਾਂਝੇ ਕਰਨ ਵਾਲੇ ਹਨ।
ਸਪੀਚ ਤੋਂ ਬਾਅਦ ਕਾਨਫੀਡੈਂਸ ਵੋਟ ਵਿੱਚ ਟਰੂਡੋ ਦੀ ਘੱਟ ਗਿਣਤੀ ਲਿਬਰਲ ਸਰਕਾਰ ਦੀ ਹਾਰ ਵੀ ਹੋ ਸਕਦੀ ਹੈ।
ਪੱਤਝੜ੍ਹ ਵਿੱਚ ਚੋਣਾਂ ਦੀ ਸੰਭਾਵਨਾ ਨੂੰ ਦੇਖਦਿਆਂ ਅੱਜ ਦੀ ਅਟਲਾਂਟਿਕ ਫੇਰੀ ਵਿੱਚ ਰਾਜਨੀਤਿਕ ਰੰਗ ਵੀ ਦੇਖਣ ਨੂੰ ਮਿਲੇਗਾ।
ਟਰੂਡੋ ਦਾ ਸਾਥ ਲਿਬਰਲ ਐੱਮ.ਪੀ. ਵੀ ਦੇਣਗੇ ਅਤੇ ਇਸ ਫੇਰੀ ਦੌਰਾਨ ਉਨ੍ਹਾਂ ਕਾਰੋਬਾਰਾਂ ਨਾਲ ਵੀ ਗੱਲਬਾਤ ਕੀਤੀ ਜਾਵੇਗੀ ਜਿਨ੍ਹਾਂ ਨੇ ਸਰਕਾਰ ਦੇ ਐਮਰਜੈਂਸੀ ਏਡ ਪ੍ਰੋਗਰਾਮਾਂ ਰਾਹੀਂ ਸਹਿਯੋਗ ਪ੍ਰਾਪਤ ਕੀਤਾ ਹੈ।
ਆਮ ਤੌਰ ਤੇ ਟਰੂਡੋ ਗਰਮੀਆਂ ਵਿੱਚ ਵੱਖ ਵੱਖ ਸੂਬਿਆਂ ਦਾ ਦੌਰਾ ਕਰਦੇ ਹਨ ਪਰ ਇਸ ਵਾਰ ਕੋਵਿਡ-19 ਦੇ ਚੱਲਦਿਆਂ ਟੋਰੌਂਟੋ, ਮੌਂਟਰੀਆਲ ਅਤੇ ਔਟਵਾ ਦੇ ਨਜ਼ਦੀਕ ਕਮਿਊਨਿਟੀਆਂ ਤੋਂ ਇਲਾਵਾ ਬਾਕੀ ਫੇਰੀਆਂ ਵਰਚੁਅਲ ਢੰਗ ਨਾਲ ਕੀਤੀਆਂ ਜਾ ਰਹੀਆਂ ਹਨ।
