12.93C Vancouver 12.93C VancouverSep 25, 2025 4:54 PM - The Canadian Press
ਬੀ. ਸੀ. ਦੀ ਵਿੱਤ ਮੰਤਰੀ ਬ੍ਰੈਂਡਾ ਬੈਲੀ ਨੇ ਪਬਲਿਕ ਸੈਕਟਰ ਵਰਕਰ ਦੀ ਯੂਨੀਅਨ ਨਾਲ ਗੱਲਬਾਤ ਦੀ ਮੇਜ ਉਤੇ ਵਾਪਸ ਆਉਣ ਦਾ ਸੰਕੇਤ ਦਿੱਤਾ ਹੈ,ਨਵੀਂ ਵਾਰਤਾ ਲਈ ਅਜੇ ਕੋਈ ਤਾਰੀਖ਼ ਨਿਰਧਾਰਤ ਨਹੀਂ ਕੀਤੀ ਗਈ ਹੈ ਪਰ ਇਹ ਉਦੋਂ ਹੈ ਜਦੋਂ ਬੀ.ਸੀ. ਜਨਰਲ ਇੰਪਲਾਈਜ਼ ਯੂਨੀਅਨ ਦੇ ਮੈਂਬਰਸ ਦਾ ਵਿਰੋਧ ਵਧ ਰਿਹਾ ਹੈ ਅਤੇ ਯੂਨੀਅਨ ਵਲੋਂ ਚੌਥੇ ਹਫ਼ਤੇ ਵੀ ਕਾਰਵਾਈ ਜਾਰੀ ਹੈ, ਜਿਸ ਵਿਚ ਸਰਕਾਰ 'ਤੇ ਮੁੜ ਗੱਲਬਾਤ ਲਈ ਦਬਾਅ ਬਣਾਉਣ ਲਈ ਪਿਕਟਿੰਗ ਅਤੇ ਓਵਰਟਾਈਮ ਬੈਨ ਸ਼ਾਮਲ ਹਨ।
ਬੈਲੀ ਨੇ ਕਿਹਾ ਕਿ ਉਹ ਗੱਲਬਾਤ ਦੀ ਮੇਜ਼ 'ਤੇ ਵਾਪਸੀ ਲਈ ਢੁਕਵਾਂ ਮਾਹੌਲ ਬਣਾ ਰਹੇ ਹਨ ਅਤੇ ਸਰਕਾਰ ਵਰਕਰ ਅਤੇ ਸਾਰੇ ਬ੍ਰਿਟਿਸ਼ ਕੋਲੰਬੀਆ ਵਾਸੀਆਂ ਦੇ ਹਿੱਤਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇੱਕ ਫੇਅਰ ਡੀਲ ਚਾਹੁੰਦੀ ਹੈ। ਗੌਰਤਲਬ ਹੈ ਕਿ BCGEU ਦੋ ਸਾਲਾਂ ਵਿਚ 8.25 ਫੀਸਦੀ ਤਨਖ਼ਾਹ ਵਾਧੇ ਦੇ ਨਾਲ ਹੀ ਵਧਦੀ ਮਹਿੰਗਾਈ ਤੋਂ ਸੁਰੱਖਿਆ ਦੀ ਵੀ ਮੰਗ ਕਰ ਰਹੀ ਹੈ।
ਯੂਨੀਅਨ ਦਾ ਕਹਿਣਾ ਹੈ ਕਿ ਉਸ ਦੇ ਮੈਂਬਰਸ ਦੀਆਂ ਤਨਖ਼ਾਹਾਂ ਮਹਿੰਗਾਈ ਦੇ ਅਨੁਸਾਰ ਨਹੀਂ ਵਧੀਆਂ ਹਨ। ਮੌਜੂਦਾ ਸਮੇਂ 15,000 ਦੇ ਕਰੀਬ ਪਬਲਿਕ ਸੈਕਟਰ ਵਰਕਰ ਧਰਨਾ-ਪ੍ਰਦਰਸ਼ਨ ਜਾਂ ਓਵਰਟਾਈਮ ਬੈਨ ਦੇ ਰੂਪ ਵਿਚ ਹੜਤਾਲ ਦੀ ਕਾਰਵਾਈ ਵਿਚ ਸ਼ਾਮਲ ਹਨ।
ਬੀ.ਸੀ. ਰੈਸਟੋਰੈਂਟ ਅਤੇ ਫੂਡ ਸਰਵਿਸਿਜ਼ ਐਸੋਸੀਏਸ਼ਨ ਦੇ ਹੈੱਡ ਇਆਨ ਟੋਸਟੇਨਸਨ ਨੇ ਇਸ ਕਾਰਵਾਈ ਕਾਰਨ ਇਸ ਹਫ਼ਤੇ ਦੇ ਅੰਤ ਤੱਕ ਸਪਲਾਈ ਦੀ ਘਾਟ ਦਾ ਖਦਸ਼ਾ ਜਤਾਇਆ ਹੈ।
