ਕੈਲੋਨਾ 'ਚ ਸ਼ੱਕੀ ਹਾਲਾਤਾਂ 'ਚ ਵਿਅਕਤੀ ਦੀ ਮੌਤ, ਪੁਲਿਸ ਜਾਂਚ 'ਚ ਜੁਟੀ

ਬੀ. ਸੀ. ਦੀ ਐਂਟੀ-ਗੈਂਗ ਯੂਨਿਟ CFSEU ਨੇ ਮੈਟਰੋ ਵੈਨਕੂਵਰ ਵਿਚ ਗੈਰ-ਕਾਨੂੰਨੀ ਕੈਸੀਨੋ ਦੇ ਇੱਕ ਵੱਡੇ ਨੈੱਟਵਰਕ ਦਾ ਪਰਦਾਫਾਸ਼ ਕਰਦਿਆਂ 11 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਹ ਕਾਰਵਾਈ 29 ਅਪ੍ਰੈਲ ਨੂੰ ਮੈਪਲ ਰਿਜ, ਸਰੀ ਅਤੇ ਕੋਕੁਇਟਲਮ ਵਿਚ ਮਾਰੇ ਗਏ ਛਾਪਿਆਂ ਦੌਰਾਨ ਕੀਤੀ ਗਈ, ਜਿਸ ਵਿਚ ਕੰਬਾਈਡ ਫੋਰਸ ਸਪੈਸ਼ਲ ਇਨਫੋਰਸਮੈਂਟ ਯੂਨਿਟ ਨੇ $34,000 ਕੈਸ਼, ਰੇਂਜ ਰੋਵਰ ਸਮੇਤ ਤਿੰਨ ਗੱਡੀਆਂ ਅਤੇ ਸਾਈਲੈਂਸਰ ਲੱਗੀ ਇੱਕ ਬੰਦੂਕ ਸਣੇ ਜੂਏ ਦਾ ਭਾਰੀ ਸਾਮਾਨ ਬਰਾਮਦ ਕੀਤਾ।

ਬੀ.ਸੀ. ਸੁਪਰੀਮ ਕੋਰਟ ਅੱਜ ਐਬਟਸਫੋਰਡ ਦੇ ਦੋਹਰੇ ਕਤਲ ਕਾਂਡ ਵਿਚ ਆਪਣਾ ਫੈਸਲਾ ਸੁਣਾਉਣ ਜਾ ਰਹੀ ਹੈ, ਜਿਸ ਵਿਚ ਅਭਿਜੀਤ ਸਿੰਘ, ਗੁਰਕਰਨ ਸਿੰਘ ਅਤੇ ਖੁਸ਼ਵੀਰ ਤੂਰ 'ਤੇ ਬਜ਼ੁਰਗ ਜੋੜੇ, 77 ਸਾਲਾ ਆਰਨੋਲਡ ਡੀ ਜੋਂਗ ਅਤੇ 76 ਸਾਲਾ ਜੋਐਨ ਡੀ ਜੋਂਗ ਦੇ ਕਤਲ ਦਾ ਦੋਸ਼ ਹੈ। ਸੁਣਵਾਈ ਦੌਰਾਨ ਸਾਹਮਣੇ ਆਇਆ ਸੀ ਕਿ ਇਹ ਵਾਰਦਾਤ ਬੇਹੱਦ ਬੇਰਹਿਮੀ ਨਾਲ ਅੰਜਾਮ ਦਿੱਤੀ ਗਈ ਸੀ; ਆਰਨੋਲਡ ਦੀ ਮੌਤ ਦਮ ਘੁੱਟਣ ਕਾਰਨ ਹੋਈ ਕਿਉਂਕਿ ਉਨ੍ਹਾਂ ਦਾ ਚਿਹਰਾ ਡਕਟ ਟੇਪ ਨਾਲ ਪੂਰੀ ਤਰ੍ਹਾਂ ਲਪੇਟਿਆ ਹੋਇਆ ਸੀ, ਜਦੋਂ ਕਿ Joanne 'ਤੇ ਕਿਸੇ ਭਾਰੀ ਚੀਜ਼ ਨਾਲ ਹਮਲਾ ਕੀਤਾ ਗਿਆ ਸੀ ਅਤੇ ਉਸ ਦੇ ਗਲੇ 'ਤੇ ਕੱਟ ਦਾ ਵੀ ਨਿਸ਼ਾਨ ਸੀ।

ਚਿਲੀਵੈਕ ਵਿਚ ਇੱਕ ਬੱਸ ਡਰਾਈਵਰ 'ਤੇ ਹੋਏ ਹਮਲੇ ਦੇ ਮਾਮਲੇ ਵਿਚ ਪੁਲਿਸ ਨੇ ਇੱਕ ਤਸਵੀਰ ਜਾਰੀ ਕਰਦੇ ਹੋਏ ਸ਼ੱਕੀ ਵਿਅਕਤੀ ਦੀ ਪਛਾਣ ਵਿਚ ਮਦਦ ਮੰਗੀ ਹੈ। ਆਰ.ਸੀ.ਐਮ.ਪੀ. ਮੁਤਾਬਕ, ਇਹ ਹਮਲਾ 16 ਮਾਰਚ ਨੂੰ ਸਾਊਥ ਸੁਮਾਸ ਰੋਡ ਅਤੇ ਵੇਡਰ ਰੋਡ ਦੇ ਖੇਤਰ ਵਿਚ ਹੋਇਆ ਸੀ।