17.55C Vancouver 17.55C VancouverJul 3, 2026 4:16 PM - Connect Newsroom - Ramandeep Kaur
ਲੈਂਗਲੀ ਦੇ ਡਾਊਨਟਾਊਨ ਇਲਾਕੇ ਵਿਚ ਕੈਨੇਡਾ ਡੇਅ ਦੀ ਰਾਤ ਨੂੰ 75 ਸਾਲਾ ਬਜ਼ੁਰਗ 'ਤੇ ਜਾਨਲੇਵਾ ਹਮਲਾ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ, ਜੋ ਗੰਭੀਰ ਹਾਲਤ ਵਿਚ ਹਸਪਤਾਲ ਵਿਚ ਜ਼ੇਰੇ ਇਲਾਜ ਹਨ।
ਲੈਂਗਲੀ ਆਰ.ਸੀ.ਐਮ.ਪੀ.ਮੁਤਾਬਕ, ਘਟਨਾ ਬੁੱਧਵਾਰ ਰਾਤ ਲਗਭਗ 9:48 ਵਜੇ ਪਾਰਕ ਐਵੇਨਿਊ ਅਤੇ ਡਗਲਸ ਕ੍ਰੇਸੈਂਟ ਨੇੜੇ ਵਾਪਰੀ, ਜਿੱਥੇ ਔਫੀਸਰ ਨੂੰ ਬਜ਼ੁਰਗ ਗੰਭੀਰ ਜ਼ਖ਼ਮੀ ਹਾਲਤ ਵਿਚ ਮਿਲੇ ਸਨ। ਪੁਲਿਸ ਨੇ ਇਲਾਕੇ ਦੀ ਸੀ.ਸੀ.ਟੀ.ਵੀ. ਫੁਟੇਜ ਦੀ ਜਾਂਚ ਤੋਂ ਬਾਅਦ ਇਸ ਨੂੰ ਇੱਕ ਟਾਰਗੇਟਡ ਹਮਲਾ ਦੱਸਿਆ ਹੈ ਪਰ ਹਾਲਤ ਨਾਜ਼ੁਕ ਹੋਣ ਕਾਰਨ ਅਜੇ ਤੱਕ ਪੀੜਤ ਦੇ ਬਿਆਨ ਦਰਜ ਨਹੀਂ ਕੀਤੇ ਜਾ ਸਕੇ ਹਨ।
ਜਾਂਚਕਰਤਾ ਨੇ ਘਟਨਾ ਦੀ ਰਾਤ 9:30 ਤੋਂ 10:15 ਵਜੇ ਵਿਚਕਾਰ ਉਥੇ ਮੌਜੂਦ ਚਸ਼ਮਦੀਦਾਂ ਅਤੇ ਡੈਸ਼-ਕੈਮਰਾ ਫੁਟੇਜ ਵਾਲੇ ਲੋਕਾਂ ਨੂੰ ਤੁਰੰਤ ਪੁਲਿਸ ਨਾਲ ਸੰਪਰਕ ਕਰਨ ਦੀ ਅਪੀਲ ਕੀਤੀ ਹੈ। ਪੁਲਿਸ ਦਾ ਮੰਨਣਾ ਹੈ ਕਿ ਹਮਲਾ ਉਸ ਥਾਂ 'ਤੇ ਹੋਇਆ, ਜਿੱਥੇ ਬਜ਼ੁਰਗ ਜ਼ਖਮੀ ਹਾਲਤ ਵਿਚ ਪਾਏ ਗਏ ਸਨ।
