23.4C Vancouver 23.4C VancouverFeb 10, 2022 11:10 PM - Connect News
ਰਿਜ ਮੈਡੋਸ ਆਰ.ਸੀ.ਐਮ.ਪੀ. ਨੇ ਜਾਣਕਾਰੀ ਦਿੱਤੀ ਹੈ ਕਿ ਡਿਟੈਚਮੈਂਟ ਦੇ ਇਤਿਹਾਸ 'ਚ ਹੁਣ ਤਕ ਦੀ ਸਭ ਤੋਂ ਵੱਡੀ ਫੈਂਟਾਨਿਲ ਦੀ ਜਬਤਗੀ ਕੀਤੀ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ 7 ਮਹੀਨੇ ਦੀ ਮਲਟੀ-ਜਿਉਰਿਸਡਿਕਸ਼ਨਲ ਜਾਂਚ ਨੂੰ ਰਿਜ ਮੈਡੋਸ ਆਰ.ਸੀ.ਐਮ.ਪੀ. ਦੀ ਸਟ੍ਰੀਟ ਐਨਫੋਰਸਮੈਂਟ ਯੂਨਿਟ ਵੱਲੋਂ ਲੀਡ ਕੀਤਾ ਗਿਆ ਸੀ।
ਦੱਸਿਆ ਗਿਆ ਕਿ ਜੂਨ 2021 'ਚ ਸਟਰੀਟ ਪੱਧਰ ਦੀ ਡਰੱਗ ਐਕਟੀਵਿਟੀ ਸੰਬੰਧੀ ਜਾਂਚ ਅਰੰਭੀ ਗਈ ਸੀ।
ਜਾਂਚ ਦੌਰਾਨ ਪੁਲਿਸ ਨੂੰ ਮੇਪਲ ਰਿਜ ਤੇ ਨਿਊ ਵੈਸਟਮਿਨਸਟਰ ਸਥਿਤ ਪ੍ਰਾਪਰਟੀਆਂ ਦੀ ਜਾਣਕਾਰੀ ਮਿਲੀ।
ਪੁਲਿਸ ਨੇ ਇਨ੍ਹਾਂ ਪ੍ਰਾਪਰਟੀਆਂ ਸੰਬੰਧੀ ਤਲਾਸ਼ੀ ਦੇ ਵਾਰੰਟ ਹਾਸਿਲ ਕੀਤੇ।
2 ਫਰਵਰੀ ਨੂੰ ਨਿਊ ਵੈਸਟਮਿਨਸਟਰ ਅਤੇ ਮੇਪਲ ਰਿਜ 'ਚ ਘਰਾਂ 'ਚ ਤਲਾਸ਼ੀ ਸੰਬੰਧੀ ਵਰੰਟਾਂ ਨੂੰ ਅੰਜਾਮ ਦਿੱਤਾ ਗਿਆ।
ਮੌਕੇ ਤੋਂ ਵੱਡੀ ਗਿਣਤੀ 'ਚ ਡਰੱਗਸ, ਕੈਸ਼ ਅਤੇ ਹਥਿਆਰ ਬਰਾਮਦ ਹੋਏ।
ਪੁਲਿਸ ਦਾ ਕਹਿਣਾ ਸੀ ਕਿ, ਮੌਕੇ ਤੋਂ 6.312kg ਸ਼ੱਕੀ ਫੈਂਟਾਨਿਲ ਬਰਾਮਦ ਹੋਈ।
ਇਸ 'ਚ ਕੁਝ ਨੂੰ ਪੈਕੇਜ ਕੀਤਾ ਜਾ ਚੁੱਕਿਆ ਸੀ ਅਤੇ ਪੁਲਿਸ ਅਨੁਸਾਰ ਇਸ ਤੋਂ ਕਰੀਬ 63,120 ਇਲੀਸਿਟ ਖੁਰਾਕਾਂ ਬਣ ਸਕਦੀਆਂ ਸਨ।
ਇਸ ਤੋਂ ਇਲਾਵਾ 1.033kg ਸ਼ੱਕੀ ਕਰੈਕ ਅਤੇ ਪਾਊਡਰ ਕੋਕੇਨ ਅਤੇ 625 ਗਰਾਮ ਸ਼ੱਕੀ ਮੈਥਮਫਿਟਾਮੀਨ ਵੀ ਬਰਾਮਦ ਹੋਈ।
ਪੁਲਿਸ ਅਨੁਸਾਰ ਛਾਪੇਮਾਰੀ ਦੌਰਾਨ 9mm ਹੈਂਡਗਨ ਅਤੇ ਕਾਰਤੂਸ, ਬੌਡੀ ਆਰਮਰ, $31,084 ਕੈਸ਼ ਅਤੇ 3 ਵਾਹਨ ਵੀ ਜਬਤ ਕੀਤੇ ਗਏ ਹਨ।
ਮਾਮਲੇ 'ਚ ਇੱਕ ਆਦਮੀ ਤੇ ਇੱਕ ਔਰਤ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਹਾਲਾਂਕਿ ਪੁਲਿਸ ਅਨੁਸਾਰ ਦੋਵਾਂ ਦੇ ਨਾਮ ਤੇ ਉਨ੍ਹਾਂ 'ਤੇ ਲੱਗੇ ਦੋਸ਼ਾਂ ਸੰਬੰਧੀ ਉਨ੍ਹਾਂ ਦੀ ਕੋਰਟ 'ਚ ਪੇਸ਼ੀ ਤਕ ਜਾਣਕਾਰੀ ਜਾਰੀ ਨਹੀਂ ਕੀਤੀ ਜਾਵੇਗੀ।
