13.14C Vancouver 13.14C VancouverOct 22, 2022 12:32 AM - Connect News
ਸਰੀ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਨਿਊਟਨ ਇਲਾਕੇ 'ਚ ਇੱਕ ਘਰ 'ਤੇ ਗੋਲੀ ਚਲਾਈ ਗਈ ਹੈ।
ਪੁਲਿਸ ਨੂੰ ਵੀਰਵਾਰ ਸਵੇਰ ਕਰੀਬ 9.15 ਵਜੇ 72 ਐਵੀਨਿਊ ਦੇ 14100 ਬਲੌਕ 'ਚ ਸੱਦਿਆ ਗਿਆ ਸੀ।
ਮੌਕੇ 'ਤੇ ਪਹੁੰਚੇ ਅਫਸਰਾਂ ਨੇ ਘਰ ਦੀ ਫੈਂਸ ਅਤੇ ਘਰ ਦੀਆਂ ਕੰਧਾਂ 'ਚ ਗੋਲੀਆਂ ਦੇ ਕਾਰਨ ਹੋਏ ਸੁਰਾਖ ਵੇਖੇ।
ਜਾਂਚ ਦੌਰਾਨ ਪੁਲਿਸ ਨੂੰ ਪਤਾ ਲੱਗਿਆ ਕਿ ਘਟਨਾ 19 ਅਕਤੂਬਰ ਨੂੰ ਸਵੇਰ ਕਰੀਬ 9 ਵਜੇ ਵਾਪਰੀ ਸੀ।
ਮਾਮਲੇ 'ਚ ਸ਼ਾਮਿਲ ਸ਼ੱਕੀ ਵਾਹਨ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
ਸ਼ੱਕੀ ਵਾਹਨ ਇੱਕ ਚਿੱਟੇ ਰੰਗ ਦੀ 4 ਦਰਵਾਜਿਆਂ ਵਾਲੀ ਸਿਡਾਨ ਗੱਡੀ ਦੱਸੀ ਗਈ ਹੈ।
ਕਾਂਸਟੇਬਲ ਸਰਬਜੀਤ ਸੰਘਾ ਨੇ ਕਿਹਾ ਕਿ ਘਟਨਾ ਮੌਕੇ ਇਲਾਕੇ ਤੋਂ ਕਿਸੇ ਦਾ ਸੰਪਰਕ ਨਾ ਕਰਨਾ ਚਿੰਤਾਜਨਕ ਹੈ ਅਤੇ ਘਟਨਾ 'ਚ ਕੋਈ ਜਖਮੀ ਹੋ ਸਕਦਾ ਸੀ ਜਿਸ ਨੂੰ ਮਦਦ ਦੀ ਲੋੜ ਹੁੰਦੀ।
ਉਨ੍ਹਾਂ ਕਿਹਾ ਕਿ ਜਰੂਰੀ ਹੈ ਕਿ ਜੇਕਰ ਗੋਲੀ ਚੱਲਣ ਦੀ ਆਵਾਜ਼ ਸੁਣਾਈ ਦਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
