15.77C Vancouver 15.77C VancouverNov 6, 2020 11:37 PM -
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਸੂਬੇ ਦੇ ਬੇਰੁਜ਼ਗਾਰੀ ਦੇ ਤਾਜ਼ਾ ਅੰਕੜੇ ਦਰਸ਼ਾਉਂਦੇ ਹਨ ਕਿ ਉਨ੍ਹਾਂ ਦੀ ਸਰਕਾਰ ਪੂਰਾ ਧਿਆਨ ਕੇਂਦਰਿਤ ਕਰ ਰਹੀ ਹੈ ਕਿ ਬੀ.ਸੀ. ਨੂੰ ਪੈਂਡੇਮਿਕ ਦੇ ਪ੍ਰਭਾਵ ਤੋਂ ਉਭਾਰਿਆ ਜਾ ਸਕੇ।
ਹੌਰਗਨ ਨੇ ਕਿਹਾ ਕਿ ਅਕਤੂਬਰ ਦੇ ਮਹੀਨੇ 'ਚ ਬੀ.ਸੀ. 'ਚ 33,000 ਤੋਂ ਵਧੇਰੇ ਨੌਕਰੀਆਂ ਮਿਲਣ ਦੇ ਨਾਲ ਦੇਸ਼ ਭਰ ਦੇ ਬੇਰੁਜ਼ਗਾਰੀ ਦੇ ਅੰਕੜਿਆਂ 'ਚ ਗਿਰਾਵਟ ਲਿਆਉਣ 'ਚ ਮਦਦ ਮਿਲੀ।
ਬੀ.ਸੀ. 'ਚ ਬੇਰੁਜ਼ਗਾਰੀ ਦੇ ਅੰਕੜੇ ਦਰਸ਼ਾਉਂਦੇ ਹਨ ਕਿ ਕੋਵਿਡ-19 ਦੇ ਵਧਦੇ ਮਾਮਲਿਆਂ ਦੇ ਬਾਵਜੂਦ, ਹੁਣ ਵਧੇਰੇ ਰੈਜ਼ੀਡੈਂਟਸ ਨੂੰ ਨੌਕਰੀਆਂ ਮਿਲ ਰਹੀਆਂ ਹਨ।
ਉਨ੍ਹਾਂ ਦੱਸਿਆ ਕਿ ਅਕਤੂਬਰ ਮਹੀਨੇ 'ਚ ਬੀ.ਸੀ. ਦੀ ਬੇਰੁਜ਼ਗਾਰੀ ਦਰ 8% ਦੀ ਸੀ।
ਸਿਤੰਬਰ 'ਚ ਬੇਰੁਜ਼ਗਾਰੀ ਦਰ 8.4% ਦੱਸੀ ਗਈ ਸੀ।
ਕੈਨੇਡਾ 'ਚ ਵੀ ਬੀਤੇ ਮਹੀਨੇ ਬੇਰੁਜ਼ਗਾਰੀ ਦਰ 9% ਤੋਂ ਘਟ ਕੇ 8.9% 'ਤੇ ਆਈ ਦੱਸੀ ਗਈ ਹੈ, ਪਰ ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਦਾ ਬੇਰੁਜ਼ਗਾਰੀ ਦਰ ਦੇਸ਼ ਦੇ ਅੰਕੜਿਆਂ ਮੁਕਾਬਲੇ ਘਟ ਹੈ।
ਹਾਲਾਂਕਿ ਇਕੱਲੇ ਵੈਨਕੂਵਰ ਦੀ ਗੱਲ ਕੀਤੀ ਜਾਵੇ, ਤਾਂ ਬੇਰੁਜਗਾਰੀ ਦਰ 11.1% ਤੋਂ ਘਟ ਕੇ 9.7% 'ਤੇ ਆ ਗਈ ਹੈ।
ਹੌਰਗਨ ਨੇ ਕਿਹਾ ਕਿ ਪੈਂਡੇਮਿਕ ਤੋਂ ਪਹਿਲਾਂ ਫਰਵਰੀ ਦੇ ਮਹੀਨੇ ਦੇ ਮੁਕਾਬਲੇ ਸੂਬੇ 'ਚ ਰੁਜ਼ਗਾਰੀ ਦਰ 97.6% ਤੱਕ ਪਹੁੰਚ ਗਈ ਹੈ।
