12.25C Vancouver 12.25C VancouverApr 9, 2021 9:31 PM -
ਕੈਨੇਡਾ 'ਚ ਮਾਰਚ 'ਚ ਬੇਰੁਜ਼ਗਾਰੀ ਦੀ ਦਰ 'ਚ ਵੱਡਾ ਘਾਟਾ ਦਰਜ ਕੀਤਾ ਗਿਆ ਅਤੇ ਇਹ ਅੰਕੜਾ 7.5% 'ਤੇ ਦਰਜ ਕੀਤਾ ਗਿਆ।
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਬੀਤੇ ਮਹੀਨੇ ਦੇਸ਼ 'ਚ 300,000 ਤੋਂ ਵਧੇਰੇ ਨੌਕਰੀਆਂ ਦਾ ਵਾਧਾ ਹੋਇਆ ਹੈ।
ਫਰਵਰੀ 'ਚ ਬੇਰੁਜ਼ਗਾਰੀ ਦਰ 8.2% 'ਤੇ ਦਰਜ ਕੀਤੀ ਗਈ ਸੀ।
ਬੀ.ਸੀ. 'ਚ ਮਾਰਚ ਮਹੀਨੇ ਦੌਰਾਨ ਬੇਰੁਜ਼ਗਾਰੀ ਦਰ 6.9% 'ਤੇ ਦਰਜ ਕੀਤੀ ਗਈ।
ਬੀ.ਸੀ. ਦੇ ਜੌਬਸ, ਇਕਨਾਮਿਕ ਰਿਕਵਰੀ ਅਤੇ ਇਨੋਵੇਸ਼ਨ ਮੰਤਰੀ (Minister of Jobs, Economic Recovery ਅਤੇ Innovation) ਦਾ ਕਹਿਣਾ ਹੈ ਕਿ ਸੂਬੇ ਦੇ ਤਾਜ਼ਾ ਬੇਰੁਜ਼ਗਾਰੀ ਦਰ ਦੇ ਅੰਕੜੇ ਦਰਸ਼ਾਉਂਦੇ ਹਨ ਕਿ ਇਸ ਵੇਲੇ ਸੂਬੇ 'ਚ ਪੈਂਡੈਮਿਕ ਦੇ ਦਸਤਕ ਦੇਣ ਤੋਂ ਬਾਅਦ, ਸਭ ਤੋਂ ਵੱਧ ਲੋਕ ਰੁਜ਼ਗਾਰ 'ਤੇ ਲਗ ਗਏ ਹਨ।
ਰਵੀ ਕਾਹਲੋਂ ਨੇ ਕਿਹਾ ਕਿ, ਬੀ.ਸੀ. 'ਚ ਬੀਤੇ ਮਹੀਨੇ 35,000 ਨੌਕਰੀਆਂ ਦਾ ਇਜ਼ਾਫਾ ਹੋਇਆ ਹੈ।
ਉਨ੍ਹਾਂ ਕਿਹਾ ਕਿ ਸੂਬੇ ਨੇ ਹੁਣ ਲਗਾਤਾਰ 11 ਮਹੀਨੇ ਤਕ ਨੌਕਰੀਆਂ 'ਚ ਵਾਧਾ ਹੁੰਦਾ ਵੇਖਿਆ ਹੈ।
ਉਨ੍ਹਾਂ ਕਿਹਾ ਕਿ ਬੀ.ਸੀ. ਦਾ ਜੌਬ ਰਿਕਵਰੀ ਰੇਟ (job-recovery rate) ਕੈਨੇਡਾ 'ਚ ਸਭਜ ਤੋਂ ਉੱਚਾ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਹਾਸਪੀਟੈਲਿਟੀ, ਫਿਟਨੈਸ ਅਤੇ ਟੂਰਿਜ਼ਮ ਦੇ ਖੇਤਰ ਅਜੇ ਵੀ ਚੁਣੌਤੀ ਦਾ ਸਾਹਮਣਾ ਕਰ ਰਹੇ ਹਨ।
ਕਾਹਲੋਂ ਨੇ ਮੰਨਿਆ ਕਿ ਹਾਲ 'ਚ ਬੀ.ਸੀ. 'ਚ ਲਾਗੂ ਕੀਤੀਆਂ ਗਈਆਂ 'ਸਰਕਟ ਬ੍ਰੇਕਰ' ਪਬੰਦੀਆਂ ਨਾਲ ਅਗਲੇ ਮਹੀਨੇ ਦੀ ਰਿਪੋਰਟ 'ਚ ਸੂਬੇ ਦੇ ਬੇਰੁਜ਼ਗਾਰੀ ਦੇ ਅੰਕੜੇ ਕੁਝ ਨਿਰਾਸ਼ ਕਰਨ ਵਾਲੇ ਰਹਿ ਸਕਦੇ ਹਨ।
