9.05C Vancouver 9.05C VancouverApr 6, 2022 12:08 AM - The Canadian Press
ਸਾਬਕਾ ਕੰਜ਼ਰਵੇਟਿਵ ਡਿਪਟੀ ਲੀਡਰ ਲੀਓਨਾ ਏਲਸਲੇਵ ਵਲੋਂ ਅਗਲੇ ਹਫਤੇ ਪਾਰਟੀ ਦਾ ਲੀਡਰ ਬਣਨ ਦੀ ਦੌੜ ਵਿੱਚ ਆਪਣਾ ਨਾਮ ਅਧੀਕਾਰਿਤ ਤੌਰ ਤੇ ਸ਼ਾਮਿਲ ਕੀਤਾ ਜਾ ਸਕਦਾ ਹੈ।
ਉਨ੍ਹਾਂ ਦੀ ਕੈਂਪੇਨ ਨਾਲ ਜੁੜੇ ਇੱਕ ਸੂਤਰ ਨੇ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਇਹ ਜਾਣਕਾਰੀਦਿੱਤੀ ਹੈ ਕਿ ਇਸ ਸੰਬੰਧੀ ਐਲਾਨ ਅਗਲੇ ਹਫ਼ਤੇ ਔਟਵਾ 'ਚ ਕੀਤਾ ਜਾ ਸਕਦਾ ਹੈ।
ਏਲਸਲੇਵ ਵਲੋਂ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਪਰ ਉਨ੍ਹਾਂ ਨੇ ਇੱਕ ਕੈਂਪੇਨ ਵੈਬਸਾਈਟ 'ਤੇ ਨੋਮੀਨੇਸ਼ਨ ਲਈ ਲੋੜੀਂਦੇ ਦਸਤਖਤ ਇੱਕਠੇ ਕਰਨ ਦਾ ਕੰਮ ਸ਼ੁਰੂ ਕਰ ਦਿੱਤਾ ਹੈ।
ਉਨ੍ਹਾਂ ਸੋਸ਼ਲ ਮੀਡੀਆ 'ਤੇ ਅਗਲੇ ਬੁੱਧਵਾਰ ਇੱਕ ਮੀਟ ਐਂਡ ਗ੍ਰੀਟ ਈਵੇਂਟ ਕਰਨ ਸੰਬੰਧੀ ਜਾਣਕਾਰੀ ਵੀ ਪਾਈ ਹੈ। ਇਸ ਦੀ ਟੈਗ ਲਾਈਨ "ਆਲ ਇੰਨ ਵਿੱਦ ਏਲਸਲੇਵ" ਹੈ।
ਉਹਨਾਂ ਨੂੰ ਸਾਬਕਾ ਲੀਡਰ ਐਨਡਰੀਊ ਸ਼ੀਅਰ ਨੇ ਪਾਰਟੀ ਦਾ ਡਿਪਟੀ ਲੀਡਰ ਬਣਾਇਆ ਸੀ।
ਪਰ ਫੇਰ ਉਹ ਇਸ ਅਹੁਦੇ ਤੋਂ ਉਸ ਵੇਲੇ ਲਾਂਬੇ ਹੋ ਗਏ ਸਨ ਜਦ ਉਨ੍ਹਾਂ ਨੇ 2020 ਦੀ ਲੀਡਰਿਸ਼ਪ ਦੌੜ ਵਿੱਚ ਪੀਟਰ ਮੇਕੇ ਦੀ ਮਦਦ ਕਰਨ ਦਾ ਫੈਸਲਾ ਕੀਤਾ ਸੀ।
