19.7C Vancouver 19.7C VancouverDec 29, 2021 1:12 AM - The Canadian Press
ਕੈਨੇਡਾ ਦੀ ਰਾਈਜ਼ਿੰਗ ਟੈਨਿਸ ਖਿਡਾਰਨ ਲੇਲਾਹ ਫਰਨਾਂਡਿਸ ਨੂੰ ਵੱਡਾ ਸਨਮਾਨ ਹਾਸਿਲ ਹੋਇਆ ਹੈ।
ਫਰਨਾਂਡਿਸ ਨੇ ਬੌਬੀ ਰੋਜ਼ਨਫੈਲਡ ਐਵਾਰਡ ਆਪਣੇ ਨਾਮ ਕੀਤਾ ਹੈ।
ਲੇਲਾਹ ਫਰਨਾਂਡਿਸ ਨੂੰ ਦ ਕਨੇਡੀਅਨ ਪ੍ਰੈਸ ਫੀਮੇਲ ਅਥਲੀਟ ਆਫ ਦ ਈਅਰ ਚੁਣਿਆ ਗਿਆ ਹੈ।
ਕਿਊਬੈਕ ਦੇ ਲਵਾਲ ਤੋਂ ਵਾਸਤਾ ਰੱਖਣ ਵਾਲੀ 19 ਸਾਲਾ ਖਿਡਾਰਨ ਨੇ ਇਸ ਸਾਲ ਯੂ.ਐਸ. ਓਪਨ ਦੇ ਫਾਈਨਲ ਤਕ ਦਾ ਰਸਤਾ ਤੈਅ ਕੀਤਾ ਸੀ।
ਇਸ ਗਰੈਂਡ ਸਲੈਮ ਪ੍ਰਤੀਯੋਗਤਾ 'ਚ ਫਰਨਾਂਡਿਸ ਨੇ ਡਿਫੈਂਡਿੰਗ ਚੈਂਪੀਅਨ ਨਾਓਮੀ ਓਸਾਕਾ ਨੂੰ ਤੀਜੇ ਦੌਰ 'ਚ ਮਾਤ ਦੇ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ।
ਇਸ ਤੋਂ ਬਾਅਦ ਫਾਈਨਲ ਤਕ ਦੀ ਦੌੜ 'ਚ ਉਸ ਨੇ ਹੋਰ ਕਈ ਦਿੱਗਜ ਟੈਨਿਸ ਖਿਡਾਰਨਾਂ ਨੂੰ ਮਾਤ ਦਿੱਤੀ ਸੀ।
ਹਾਲਾਂਕਿ ਖਿਤਾਬੀ ਮੁਕਾਬਲੇ 'ਚ ਉਸ ਨੂੰ ਬ੍ਰਿਟੇਨ ਦੀ ਐਮਾ ਰੈਡੁਕਾਨੂ ਨੇ ਮਾਤ ਦੇ ਦਿੱਤੀ ਸੀ।
