13.71C Vancouver 13.71C VancouverFeb 7, 2025 2:06 PM - The Canadian Press
ਕੈਨੇਡਾ ਦੇ ਅਗਲੇ ਪ੍ਰਧਾਨ ਮੰਤਰੀ ਬਣਨ ਲਈ ਲਿਬਰਲ ਪਾਰਟੀ ਦੀ ਲੀਡਰਸ਼ਿਪ ਦੌੜ ਵਿਚ ਸ਼ਾਮਲ ਉਮੀਦਵਾਰਾਂ ਨੂੰ ਇਸ ਰੇਸ ਵਿਚ ਬਣੇ ਰਹਿਣ ਲਈ ਅੱਜ ਇੱਕ ਅਹਿਮ ਚੁਣੌਤੀ ਪਾਰ ਕਰਨੀ ਹੋਵੇਗੀ, ਇਹ ਚੁਣੌਤੀ $125,000 ਦੀ ਨੌਨ ਰਿਫੰਡੇਬਲ ਪੇਮੈਂਟ ਹੈ, ਜੋ ਸ਼ਾਮ ਤੱਕ ਉਨ੍ਹਾਂ ਨੂੰ ਪਾਰਟੀ ਨੂੰ ਜਮ੍ਹਾ ਕਰਵਾਉਣਾ ਲਾਜ਼ਮੀ ਹੈ।
ਲਿਬਰਲ ਪਾਰਟੀ ਵਲੋਂ ਉਮੀਦਵਾਰਾਂ ਲਈ ਕੁੱਲ $350,000 ਦੀ ਫੀਸ ਨਿਰਧਾਰਤ ਕੀਤੀ ਗਈ ਸੀ, ਜਿਸ ਦੀ ਪੂਰੀ ਪੇਮੈਂਟ 4 ਕਿਸ਼ਤਾਂ ਵਿਚ 17 ਫਰਵਰੀ ਤੱਕੀ ਜਮ੍ਹਾ ਕਰਵਾਉਣੀ ਜ਼ਰੂਰੀ ਹੈ। ਲਿਬਰਲ ਪਾਰਟੀ ਦੀ ਸਾਬਕਾ ਹਾਊਸ ਲੀਡਰ ਅਤੇ ਲੀਡਰਸ਼ਿਪ ਉਮੀਦਵਾਰ ਕਰੀਨਾ ਗੋਲਡ ਨੇ ਰੇਸ ਵਿਚ ਬਣੇ ਰਹਿਣ ਲਈ ਆਪਣੇ ਸਮਰਥਕਾਂ ਤੋਂ ਸ਼ਾਮ 5 ਵਜੇ ਤੱਕ $100,000 ਦੀ ਮਦਦ ਮੰਗੀ ਹੈ।
ਉਥੇ ਹੀ, ਸਾਬਕਾ ਸੈਂਟਰਲ ਬੈਂਕ ਦੇ ਗਵਰਨਰ ਮਾਰਕ ਕਾਰਨੀ ਅਤੇ ਸਾਬਕਾ ਉਪ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਜਿਨ੍ਹਾਂ ਨੂੰ ਇਸ ਦੌੜ ਵਿਚ ਪ੍ਰਮੁੱਖ ਮੁਕਾਬਲੇਬਾਜ਼ ਮੰਨਿਆ ਜਾ ਰਿਹਾ ਹੈ, ਉਨ੍ਹਾਂ ਵਲੋਂ ਪਾਰਟੀ ਫੀਸ ਜਮ੍ਹਾ ਕਰਵਾਉਣ ਦੀ ਚੁਣੌਤੀ ਪਾਰ ਕਰਨ ਦੀ ਉਮੀਦ ਹੈ। ਸਾਬਕਾ ਸੰਸਦ ਮੈਂਬਰ ਰੂਬੀ ਡੈਲਾ ਵੀ ਇਸ ਮੁਕਾਬਲੇ ਵਿਚ ਹਨ। ਗੌਰਤਲਬ ਹੈ ਕਿ ਪਾਰਟੀ ਵਲੋਂ ਆਪਣੇ ਅਗਲੇ ਲੀਡਰ ਦੀ ਘੋਸ਼ਣਾ 9 ਮਾਰਚ ਨੂੰ ਕੀਤੀ ਜਾਵੇਗੀ। ਪਾਰਟੀ ਮੁਤਾਬਕ, ਲਗਭਗ 400,000 ਸਮਰਥਕਾਂ ਨੇ ਸਮਾਂ ਸੀਮਾ ਤੋਂ ਪਹਿਲਾਂ ਲੀਡਰਸ਼ਿਪ ਦੀ ਦੌੜ ਵਿਚ ਵੋਟ ਪਾਉਣ ਲਈ ਮੈਂਬਰਸ ਵਜੋਂ ਰਜਿਸਟਰ ਕੀਤਾ ਹੈ।
