14.32C Vancouver 14.32C VancouverDec 15, 2025 7:31 PM - Connect Newsroom - Jasmine Singh with files from The Canadian Press
ਕੈਨੇਡਾ ਦੀ ਫੈਡਰਲ ਰਾਜਨੀਤੀ ਵਿਚ ਫਲੌਰ ਕਰਾਰਸਿੰਗ ਯਾਨੀ ਦਲ-ਬਦਲੂ ਦੀਆਂ ਚਰਚਾਵਾਂ ਨੇ ਜ਼ੋਰ ਫੜ ਲਿਆ ਹੈ। ਫੈਡਰਲ ਐਨਰਜੀ ਮਿਨਿਸਟਰ ਟਿਮ ਹੋਡਗਸਨ ਨੇ ਇਹ ਕਹਿ ਕੇ ਸਿਆਸੀ ਹਲਚਲ ਪੈਦਾ ਕਰ ਦਿੱਤੀ ਹੈ ਕਿ ਲਿਬਰਲ ਸਰਕਾਰ ਵਿਚ ਸ਼ਾਮਲ ਹੋਣ ਲਈ ਵਿਰੋਧੀ ਪਾਰਟੀਆਂ ਦੇ ਹੋਰ ਐਮ.ਪੀ. ਸੰਪਰਕ ਕਰ ਰਹੇ ਹਨ।
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੇ ਮਿਨਿਸਟਰ ਦਾ ਸੋਮਵਾਰ ਨੂੰ ਇਹ ਬਿਆਨ ਪਿਛਲੇ ਹਫ਼ਤੇ ਓਨਟਾਰੀਓ ਤੋਂ ਐਮਪੀ ਮਾਈਕਲ ਮਾ ਦੇ ਕੰਜ਼ਰਵੇਟਿਵ ਪਾਰਟੀ ਛੱਡ ਕੇ ਲਿਬਰਲ ਵਿਚ ਸ਼ਾਮਲ ਹੋਣ ਦੇ ਹਾਈ-ਪ੍ਰੋਫਾਈਲ ਮਾਮਲੇ ਤੋਂ ਬਾਅਦ ਆਇਆ ਹੈ, ਜਿਸ ਨਾਲ ਲਿਬਰਲ ਸਰਕਾਰ ਬਹੁਮਤ ਦੇ ਅੰਕੜੇ ਦੇ ਬਿਲਕੁਲ ਨੇੜੇ ਪਹੁੰਚ ਗਈ ਹੈ। ਹੋਡਗਸਨ ਜੋ ਖੁਦ ਕਾਰੋਬਾਰੀ ਪਿਛੋਕੜ ਵਾਲੇ ਵੀ ਹਨ, ਉਨ੍ਹਾਂ ਦਾ ਕਹਿਣਾ ਹੈ ਕਿ ਮੈਨੂੰ ਵਿਰੋਧੀ ਧਿਰ ਤੋਂ ਬਹੁਤ ਸਾਰੇ ਲੋਕਾਂ ਨੇ ਸੰਪਰਕ ਕੀਤਾ ਹੈ।
ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਸਰਕਾਰੀ ਹਾਊਸ ਦੇ ਨੇਤਾ ਸਟੀਵਨ ਦਾ ਕਹਿਣਾ ਸੀ ਕਿ ਕੁਝ ਕੰਜ਼ਰਵੇਟਿਵ ਐਮ.ਪੀ. ਪਾਰਟੀ ਦੀ ਰਾਜਨੀਤਕ ਦਿਸ਼ਾ ਨੂੰ ਲੈ ਕੇ ਆਪਣੀ ਨਿਰਾਸ਼ਾ ਲਿਬਰਲ ਐਮ.ਪੀ. ਨਾਲ ਸਾਂਝੀ ਕਰ ਰਹੇ ਹਨ। ਗੌਰਤਲਬ ਹੈ ਕਿ ਲਿਬਰਲਸ ਕੋਲ ਹੁਣ 171 ਐਮ.ਪੀ. ਹੋ ਗਏ ਹਨ,ਜੋ ਬਹੁਮਤ ਲਈ ਲੋੜੀਂਦੇਂ 172 ਸੰਸਦ ਮੈਂਬਰਸ ਤੋਂ ਸਿਰਫ ਇੱਕ ਘੱਟ ਹੈ।
