13.3C Vancouver 13.3C VancouverMay 3, 2021 9:28 PM -
ਲਿਬਰਲ ਐਮ.ਐਲ.ਏ. ਮਾਈਕ ਬਰਨੀਐਰ ਦਾ ਕਹਿਣਾ ਹੈ ਕਿ ਉਹ ਕੋਵਿਡ-19 ਤੋਂ ਪੀੜਤ ਹੋ ਗਏ ਹਨ।
ਇਸ ਦੇ ਨਾਲ ਉਹ ਬੀ.ਸੀ. ਲੈਜਿਸਲੇਚਰ ਦੇ ਪਹਿਲੇ ਮੈਂਬਰ ਬਣ ਗਏ ਹਨ ਜਿੰਨਾ ਨੂੰ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ।
ਪੀਸ ਰਿਵਰ ਸਾਊਥ ਦੀ ਰਾਈਡਿੰਗ ਦੀ ਨੁਮਾਇੰਦਗੀ ਕਰਨ ਵਾਲੇ ਬਰਨੀਐਰ ਦਾ ਕਹਿਣਾ ਹੈ ਕਿ ਉਹ ਅਤੇ ਉਨ੍ਹਾਂ ਦਾ ਪਰਿਵਾਰ ਖੁਦ ਨੂੰ ਇਕੱਲੇ 'ਚ ਰੱਖ ਰਹੇ ਹਨ।
ਬੀਤੇ ਸੋਮਵਾਰ ਹੀ ਬਰਨੀਐਰ ਨੂੰ ਵਾਇਰਸ ਸੰਬੰਧੀ ਵੈਕਸੀਨ ਪ੍ਰਦਾਨ ਕੀਤੀ ਗਈ ਸੀ।
ਪਰ ਉਨ੍ਹਾਂ ਨੂੰ ਦੱਸਿਆ ਗਿਆ ਹੈ ਕਿ ਉਨ੍ਹਾਂ ਦਾ ਵਾਇਰਸ ਨਾਲ ਸੰਪਰਕ ਇਸ ਤੋਂ ਪਹਿਲਾਂ ਹੀ ਹੋ ਗਿਆ ਸੀ।
ਹਾਲਾਂਕਿ ਉਨ੍ਹਾਂ ਅਨੁਸਾਰ 19 ਤੋਂ 22 ਅਪ੍ਰੈਲ ਵਿਚਾਲੇ ਲੈਜਿਸਲੇਚਰ 'ਚ ਕੰਮ ਕਰਨ ਦੌਰਾਨ ਉਹ ਵਾਇਰਸ ਤੋਂ ਪਾਜ਼ਿਟਿਵ ਨਹੀਂ ਸਨ।
ਉਨ੍ਹਾਂ ਖੁਦ ਨੂੰ ਪਾਜ਼ਿਟਿਵ ਪਾਏ ਜਾਣ 'ਤੇ ਅਚੰਭਾ ਜ਼ਾਹਿਰ ਕੀਤਾ ਅਤੇ ਕਿਹਾ ਕਿ ਪਬਲਿਕ ਹੈਲਥ ਅਧਿਕਾਰੀਆਂ ਦੀਆਂ ਸਾਰੀਆਂ ਹਿਦਾਇਤਾਂ ਦੀ ਪਾਲਣਾ ਕਰਦੇ ਹੋਏ ਉਹ ਅਗਲੇ ਕੁਝ ਦਿਨ ਖੁਦ ਨੂੰ ਇਕੱਲੇ 'ਚ ਰੱਖਣਗੇ।
ਮਾਈਕ ਬਰਨੀਐਰ ਦਾ ਟਵੀਟ:
My family and I have tested positive for COVID-19. presently self-isolating. This came as a shock to all of us as we have been following all the public health guidelines, such as physical distancing, wearing masks, and avoiding indoor gatherings.
