22.33C Vancouver 22.33C VancouverDec 13, 2023 5:33 PM - The Canadian Press
ਲਿਬਰਲ ਐਮ ਪੀ ਐਂਥਨੀ ਹਾਊਸਫਾਦਰ ਨੇ ਕੈਨੇਡਾ ਵੱਲੋਂ ਸੰਯੁਕਤ ਰਾਸ਼ਟਰ ਵਿੱਚ ਇਜ਼ਰਾਇਲ-ਹਮਾਸ ਵਿਚਾਲੇ ਤੁਰੰਤ ਜੰਗਬੰਦੀ ਦੇ ਮਤੇ ਦੇ ਹੱਕ ਵਿੱਚ ਕੀਤੀ ਗਈ ਵੋਟ 'ਤੇ ਨਾਰਾਜ਼ਗੀ ਪ੍ਰਗਟਾਈ ਹੈ। ਕਿਊਬੈਕ ਦੇ ਮਾਉਂਟ ਰਾਇਲ ਹਲਕੇ ਤੋਂ ਲਿਬਰਲ ਐੱਮ. ਪੀ. ਹਾਊਸਫਾਦਰ ਨੇ ਕਿਹਾ ਕਿ ਉਹ ਸੰਯੁਕਤ ਰਾਸ਼ਟਰ ਵਿੱਚ ਉਸ ਮਤੇ ਦਾ ਸਮਰਥਨ ਨਹੀਂ ਕਰਦੇ ਜਿਸ ਲਈ ਕੈਨੇਡਾ ਨੇ ਵੋਟ ਕੀਤੀ।
ਹਾਊਸਫਾਦਰ ਨੇ ਕਿਹਾ ਕਿ ਕੈਨੇਡਾ ਨੇ ਯੂ. ਐੱਨ. ਵਿੱਚ ਇਜ਼ਰਾਇਲ ਪ੍ਰਤੀ ਆਪਣੇ ਰਵਾਇਤੀ ਸਮਰਥਨ ਤੋਂ ਪਾਸਾ ਵੱਟਿਆ ਹੈ। ਉਨ੍ਹਾਂ ਕਿਹਾ ਕਿ ਬਿਨਾਂ ਸ਼ਰਤ ਦੇ ਸੀਜ਼ਫਾਇਰ ਦੀ ਮੰਗ ਬਿਲਕੁਲ ਅਸਵੀਕਾਰਨਯੋਗ ਹੈ ਅਤੇ ਉਨ੍ਹਾਂ ਦੇ ਹਿਸਾਬ ਨਾਲ ਜੇ ਹਮਾਸ ਆਪਣੇ ਹਥਿਆਰ ਨਹੀਂ ਸੁੱਟਦਾ ਤਾਂ ਸੀਜ਼ਫਾਇਰ ਨਹੀਂ ਹੋ ਸਕਦਾ।
ਗੌਰਤਲਬ ਹੈ ਕਿ ਬੀਤੇ ਕੱਲ੍ਹ ਵੀ ਸੰਯੁਕਤ ਰਾਸ਼ਟਰ ਵਿੱਚ ਇਜ਼ਰਾਇਲ-ਹਮਾਸ ਵਿੱਚ ਯੁੱਧ ਵਿਰਾਮ ਦੀ ਸਪੋਰਟ ਵਿੱਚ 153 ਮੁਲਕਾਂ ਨੇ ਵੋਟ ਕੀਤੀ। ਪਿਛਲੀ ਵੋਟਿੰਗ ਵਿੱਚ ਕੈਨੇਡਾ ਇਸ ਤੋਂ ਦੂਰ ਰਿਹਾ ਸੀ।
ਦੱਸ ਦਈਏ ਕਿ ਹੋਰ ਲਿਬਰਲ ਐਮ-ਪੀਜ਼ ਨੇ ਕੈਨੇਡਾ ਦੀ ਵੋਟ ਦਾ ਸੁਆਗਤ ਕੀਤਾ ਅਤੇ ਆਪਣੇ ਸਹਿਯੋਗੀਆਂ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਸ਼ਾਂਤੀ ਲਈ ਆਪਣੀ ਆਵਾਜ਼ ਬੁਲੰਦ ਕੀਤੀ ਹੈ।
