11.91C Vancouver 11.91C VancouverAug 10, 2026 3:47 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਸੱਤਾਧਾਰੀ ਲਿਬਰਲ ਪਾਰਟੀ ਦੇ ਐਮਪੀ ਸ਼ੌਨ ਚੇਨ ਨੇ ਅਸਤੀਫਾ ਦੇਣ ਦਾ ਐਲਾਨ ਕੀਤਾ ਹੈ। ਚੇਨ 2015 ਤੋਂ ਸਕਾਰਬਰੋ ਨੌਰਥ ਦੀ ਨੁਮਾਇੰਦਗੀ ਕਰ ਰਹੇ ਹਨ, ਪਿਛਲੇ ਸਾਲ ਉਹ ਇੱਕ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਏ ਸਨ, ਜਿਸ ਕਾਰਨ ਉਨ੍ਹਾਂ ਸਿਹਤ ਚਿੰਤਾਵਾਂ ਦਾ ਹਵਾਲਾ ਦਿੰਦੇ ਹੋਏ ਇਸ ਮਹੀਨੇ ਦੇ ਅੰਤ ਤੱਕ ਸੰਸਦ ਵਿਚ ਸੀਟ ਛੱਡਣ ਦਾ ਫੈਸਲਾ ਕੀਤਾ ਹੈ।
ਚੇਨ ਦਾ ਅਸਤੀਫ਼ਾ ਇਸ ਸਾਲ ਵੱਖ-ਵੱਖ ਪ੍ਰਮੁੱਖ ਪਾਰਟੀਆਂ ਦੇ ਫੈਡਰਲ ਐਮ.ਪੀ. ਵੱਲੋਂ ਸਮੇਂ ਤੋਂ ਪਹਿਲਾਂ ਅਹੁਦੇ ਛੱਡਣ ਦੇ ਚੱਲ ਰਹੇ ਸਿਲਸਿਲੇ ਦਾ ਹਿੱਸਾ ਹੈ, ਜਿਸ ਵਿਚ 31 ਅਗਸਤ ਨੂੰ ਹੋਣ ਜਾ ਰਹੀਆਂ ਤਿੰਨ ਉਪ-ਚੋਣਾਂ ਵੀ ਸ਼ਾਮਲ ਹਨ ਜੋ ਸਾਬਕਾ ਲਿਬਰਲ ਮਿਨਿਸਟਰਸ ਜੋਨਾਥਨ ਵਿਲਕਿਨਸਨ, ਨੈਟ ਏਰਸਕਾਈਨ-ਸਮਿਥ ਅਤੇ ਕੰਜ਼ਰਵੇਟਿਵ ਸੰਸਦ ਮੈਂਬਰ ਰਿਚਰਡ ਮਾਰਟੇਲ ਦੀਆਂ ਖਾਲੀ ਹੋਈਆਂ ਸੀਟਾਂ ਲਈ ਕਰਵਾਈਆਂ ਜਾ ਰਹੀਆਂ ਹਨ।
ਪ੍ਰਧਾਨ ਮੰਤਰੀ ਵੱਲੋਂ ਫਿਲਹਾਲ ਸਕਾਰਬਰੋ ਨੌਰਥ ਦੀ ਜ਼ਿਮਨੀ ਚੋਣ ਦੀ ਅਧਿਕਾਰਤ ਤਾਰੀਖ਼ ਦਾ ਐਲਾਨ ਕੀਤਾ ਜਾਣਾ ਬਾਕੀ ਹੈ। ਇਸ ਤਾਜ਼ਾ ਘਟਨਾਕ੍ਰਮ ਮਗਰੋਂ ਹਾਊਸ ਔਫ਼ ਕਾਮਨਜ਼ ਵਿਚ ਲਿਬਰਲਸ ਕੋਲ 172 ਸੀਟਾਂ ਨਾਲ ਲੋੜੀਂਦਾ ਬਹੁਮਤ ਅਜੇ ਵੀ ਹੈ।
