20.95C Vancouver 20.95C VancouverJun 11, 2025 1:45 PM - The Canadian Press
ਕੈਨੇਡਾ ਵਲੋਂ ਜੀ-7 ਲਈ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦਿੱਤੇ ਸੱਦੇ ਦੇ ਵਿਰੋਧ ਵਿਚ ਸਰੀ-ਨਿਊਟਨ ਤੋਂ ਐਮ.ਪੀ.ਸੁੱਖ ਧਾਲੀਵਾਲ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਾਲ ਮੁਲਾਕਾਤ ਕਰਨਗੇ। ਇਸ ਹਫ਼ਤੇ ਪ੍ਰਧਾਨ ਮੰਤਰੀ ਨਾਲ ਉਨ੍ਹਾਂ ਦੀ ਮੁਲਾਕਾਤ ਨਿਰਧਾਰਤ ਹੈ।
ਧਾਲੀਵਾਲ ਨੇ ਕਿਹਾ ਕਿ ਉਨ੍ਹਾਂ ਸੈਂਕੜੇ ਲੋਕਾਂ ਨਾਲ ਗੱਲ ਕੀਤੀ ਹੈ ਜੋ ਕਾਰਨੀ ਦੇ ਮੋਦੀ ਨੂੰ ਸੱਦਾ ਦੇਣ ਦੇ ਫੈਸਲੇ ਨਾਲ ਅਸਹਿਮਤ ਹਨ,ਇਨ੍ਹਾਂ ਵਿਚ ਕੁਝ ਲਿਬਰਲ ਕਾਕਸ ਦੇ ਮੈਂਬਰ ਵੀ ਹਨ। ਧਾਲੀਵਾਲ ਉਸ ਰਾਈਡਿੰਗ ਦੀ ਨੁਮਾਇੰਦਗੀ ਕਰਦੇ ਹਨ ਜਿੱਥੇ ਭਾਈ ਹਰਦੀਪ ਸਿੰਘ ਨਿੱਝਰ ਦੀ ਹੱਤਿਆ ਕੀਤੀ ਗਈ ਸੀ, ਉਨ੍ਹਾਂ ਦਾ ਕਹਿਣਾ ਹੈ ਕਿ ਮੋਦੀ ਨੂੰ ਸੱਦਾ ਕੈਨੇਡੀਅਨ ਵੈਲਿਊ ਦੇ ਖਿਲਾਫ ਹੈ ਅਤੇ ਇਸ ਵਿਚ ਕੈਨੇਡੀਅਨ ਲਾਅ ਇਨਫਾਰਸਮੈਂਟ ਨਾਲ ਭਾਰਤ ਦੇ ਪੂਰੇ ਸਹਿਯੋਗ ਦੀ ਸ਼ਰਤ ਲਗਾਈ ਜਾਣੀ ਚਾਹੀਦੀ ਸੀ।
ਗੌਰਤਲਬ ਹੈ ਕਿ ਕਾਰਨੀ ਦਾ ਕਹਿਣਾ ਹੈ ਕਿ ਉਹ ਜੀ-7 ਦੇ ਚੇਅਰਮੈਨ ਵਜੋਂ ਪੁਲਿਸਿੰਗ ਮਾਮਲਿਆਂ ਨੂੰ ਇਸ ਤੋਂ ਵੱਖ ਰੱਖਣਾ ਚਾਹੁੰਦੇ ਹਨ ਅਤੇ ਦਲੀਲ ਦਿੱਤੀ ਹੈ ਕਿ ਭਾਰਤ ਦੁਨੀਆ ਦੀਆਂ ਸਭ ਤੋਂ ਵੱਡੀਆਂ ਅਰਥ ਵਿਵਸਥਾਵਾਂ ਵਿਚੋਂ ਇੱਕ ਹੈ।
