12.96C Vancouver 12.96C VancouverSep 12, 2023 6:39 PM - The Canadian Press
ਲਿਬਰਲ ਪਾਰਟੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਪ੍ਰਤੀ ਵੱਧ ਰਹੀ ਅਸੰਤੁਸ਼ਟੀ ਨਾਲ ਜੂਝ ਰਹੀ ਹੈ।
ਸੰਸਦ ਮੈਂਬਰ ਆਪਣੀ ਰਣਨੀਤੀ ਬਣਾਉਣ ਲਈ ਓਨਟੇਰਿਓ ਦੇ ਲੰਡਨ ਵਿੱਚ ਇਕੱਠੇ ਹੋ ਰਹੇ ਹਨ।
ਮੰਗਲਵਾਰ ਤੋਂ ਲਿਬਰਲ ਕੌਕਸ ਦਾ ਤਿੰਨ ਰੋਜ਼ਾ ਇਜਲਾਸ ਸ਼ੁਰੂ ਹੋ ਰਿਹਾ ਹੈ।
ਪੋਲ ਦਰਸਾਉਂਦੇ ਹਨ ਕਿ ਲਿਬਰਲ 2015 ਵਿੱਚ ਸਰਕਾਰ ਬਣਾਉਣ ਤੋਂ ਬਾਅਦ ਲੋਕਾਂ ਵਿਚ ਲਿਬਰਲ ਪਾਰਟੀ ਦੀ ਲੋਕਪ੍ਰੀਅਤਾ ਸਭ ਤੋਂ ਹੇਠਲੇ ਪੱਧਰ ‘ਤੇ ਹੈ ਜ਼ਿਆਦਾਤਰ ਕੰਜ਼ਰਵੇਟਿਵਸ ਨੂੰ ਫਾਇਦਾ ਮਿਲ ਰਿਹਾ ਹੈ।
ਪਾਰਟੀ ਦੇ ਜ਼ਿਆਦਾਤਰ 158 ਸੰਸਦ ਮੈਂਬਰ ਫਾਲ ਦੇ ਸੰਸਦੀ ਸੈਸ਼ਨ ਲਈ ਆਪਣੀ ਰਣਨੀਤੀ ਉਲੀਕਣ ਲਈ ਤਿੰਨ ਦਿਨਾਂ ਲਈ ਦੱਖਣੀ ਓਨਟਾਰੀਓ ਸ਼ਹਿਰ ਵਿੱਚ ਮਿਲਣਗੇ।
ਮੀਟਿੰਗ ਅੱਜ ਛੋਟੇ ਕਾਕਸ ਸਮੂਹਾਂ ਦੇ ਇਕੱਠ ਨਾਲ ਸ਼ੁਰੂ ਹੋਈ ਜਿਸ ਵਿੱਚ ਔਰਤਾਂ, ਇੰਡੀਜਨਸ ਅਤੇ ਰੂਰਲ ਸੰਸਦ ਮੈਂਬਰ ਸ਼ਾਮਲ ਹਨ।
ਕਿਊਬੈਕ ਤੋਂ ਐਮਪੀ ਤੇ ਕਾਕਸ ਦੀ ਚੇਅਰ ਬ੍ਰੈਂਡਾ ਸ਼ਾਨਹਨ ਦਾ ਕਹਿਣਾ ਹੈ ਕਿ ਮੈਂਬਰਾਂ ਲਈ ਚੁਣੌਤੀਆਂ ਬਾਰੇ ਗੱਲ ਕਰਨ ਅਤੇ ਉਨ੍ਹਾਂ ਦੇ ਕੰਮ ਨੂੰ ਬਿਹਤਰ ਢੰਗ ਨਾਲ ਕਿਵੇਂ ਕਮਿਊਨੀਕੇਟ ਕਰਨਾ ਹੈ, ਇਸ ਬਾਰੇ ਗੱਲ ਕਰਨ ਲਈ ਇੱਕ ਫਰੈਂਕ ਐਕਸਚੇਂਜ ਚੱਲ ਰਿਹਾ ਹੈ।
ਦੱਸ ਦਈਏ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਵੀਂ ਦਿੱਲੀ 'ਚ ਜੀ-20 ਸੰਮੇਲਨ 'ਚ ਜਹਾਜ਼ ਵਿੱਚ ਆਈ ਤਕਨੀਕੀ ਖ਼ਰਾਬੀ ਕਾਰਨ ਲੇਟ ਹੋਏ ਹਨ, ਜਿਨ੍ਹਾਂ ਵੱਲੋਂ ਅੱਜ ਓਟਵਾ ਪਹੁੰਚਣ ਦੀ ਸੰਭਾਵਨਾ ਹੈ।
ਕੁਝ ਲਿਬਰਲ ਐਮਪੀਜ਼ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਆਪਣੇ ਹਲਕੇ ਦੇ ਵੋਟਰਾਂ ਵੱਲੋਂ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਉਨ੍ਹਾਂ ਨੇ ਉਮੀਦ ਜਤਾਈ ਹੈ ਕਿ ਪ੍ਰਧਾਨ ਮੰਤਰੀ ਉਨ੍ਹਾਂ ਦੀ ਚਿੰਤਾਵਾਂ ਵੱਲ ਤਵੱਜੋ ਦੇਣਗੇ।
