18.07C Vancouver 18.07C VancouverSep 16, 2024 4:27 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਸਰਕਾਰ ਨੇ ਸਾਰੇ ਪਹਿਲੀ ਵਾਰ ਘਰ ਖਰੀਦਣ ਲਈ 30 ਸਾਲ ਦੇ ਮੌਰਗੇਜ ਅਮੋਰਟਾਈਜ਼ੇਸ਼ਨ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ, ਨਾਲ ਹੀ ਬੀਮਾਯੁਕਤ ਮੌਰਗੇਜ ਦੀ ਕੀਮਤ ਕੈਪ ਵੀ $1-ਮਿਲੀਅਨ ਤੋਂ ਵਧਾ ਕੇ $1.5-ਮਿਲੀਅਨ ਕਰ ਦਿੱਤੀ ਗਈ ਹੈ।
ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਸੋਮਵਾਰ ਨੂੰ ਨਵੇਂ ਬਦਲਾਵਾਂ ਦੀ ਘੋਸ਼ਣਾ ਕੀਤੀ। ਉਨ੍ਹਾਂ ਕਿਹਾ ਕਿ ਹੁਣ ਕੋਈ ਵੀ ਖਰੀਦਦਾਰ ਜੋ ਪਹਿਲੀ ਵਾਰ ਘਰ ਖਰੀਦ ਰਿਹਾ ਹੈ ਜਾਂ ਕੋਈ ਨਵਾਂ ਬਣਿਆ ਹੋਇਆ ਘਰ ਖਰੀਦ ਰਿਹਾ ਹੈ ਤਾਂ ਉਹ 30 ਸਾਲ ਦੇ ਪ੍ਰੀਰੀਅਡ ਲਈ ਲੋਨ ਲੈ ਸਕਣਗੇ, ਜਦੋਂ ਕਿ ਇਸ ਪਹਿਲਾਂ 30 ਸਾਲ ਦਾ ਮੌਰਗੇਜ ਅਮੋਰਟਾਈਜ਼ੇਸ਼ਨ ਸਿਰਫ ਨਵਾਂ ਘਰ ਖਰੀਦਣ ਵਾਲੇ ਪਹਿਲੀ ਵਾਰ ਘਰ ਖਰੀਦਣ ਤੱਕ ਹੀ ਸੀਮਤ ਸੀ।
ਵਿੱਤ ਮੰਤਰੀ ਵਲੋਂ ਘੋਸ਼ਣਾ ਕੀਤੇ ਗਏ ਦੋਵੇਂ ਪ੍ਰਸਤਾਵਿਤ ਬਦਲਾਅ 15 ਦਸੰਬਰ ਤੋਂ ਲਾਗੂ ਹੋਣਗੇ। ਗੌਰਤਲਬ ਹੈ ਕਿ ਮੌਰਗੇਜ ਚੁਕਾਉਣ ਦੀ ਸਮਾਂ-ਸੀਮਾ ਵਧਣ ਨਾਲ ਮਹੀਨਾਵਰ ਜਾਣ ਵਾਲੀ ਕਿਸ਼ਤ ਦੇ ਬੋਝ ਨੂੰ ਘੱਟ ਕਰਨ ਦੀ ਮਦਦ ਮਿਲੇਗੀ ਪਰ ਲੰਮੀ ਮਿਆਦ ਦੌਰਾਨ ਵਿਆਜ ਦਾ ਜ਼ਿਆਦਾ ਭੁਗਤਾਨ ਕਰਨਾ ਪੈਂਦਾ ਹੈ।
