11.7C Vancouver 11.7C VancouverAug 31, 2020 5:31 PM -
ਲਿਬਰਲ ਸਰਕਾਰ ਵੱਲੋਂ ਕੈਨੇਡਾ ਐਮਰਜੈਂਸੀ ਬਿਜ਼ਨਸ ਅਕਾਉਂਟ ਦੇ ਅਕਤੂਬਰ ਦੇ ਅੰਤ ਤੱਕ ਵਾਧੇ ਦੀ ਘੋਸ਼ਣਾ ਕੀਤੀ ਗਈ ਹੈ।
ਫਾਇਨੈਂਸ ਮਿਨਿਸਟਰ ਕ੍ਰਿਸਟੀਆ ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਸਰਕਾਰ ਵਿੱਤੀ ਸੰਸਥਾਵਾਂ ਦੇ ਨਾਲ ਮਿਲਕੇ ਇਸ ਬਾਬਤ ਵੀ ਕੰਮ ਕਰ ਰਹੀ ਹੈ ਕਿ ਇਸ ਪ੍ਰੋਗਰਾਮ ਵਿਚੋਂ ਬਾਹਰ ਜਾ ਚੁੱਕੀਆਂ ਕੰਪਨੀਆਂ ਵਾਸਤੇ ਯੋਗਤਾ ਦੇ ਦਾਇਰੇ ਨੂੰ ਹੋਰ ਵਧਾਇਆ ਜਾ ਸਕੇ।
ਹੁਣ ਇਸ ਵਿਚ ਕਾਰੋਬਾਰਿਕ ਅਕਾਉਂਟ ਵਰਤਣ ਵਾਲਿਆਂ ਤੋਂ ਇਲਾਵਾ ਨਿੱਜੀ ਅਕਾਉਂਟ ਵਾਲੇ ਵੀ ਸ਼ਾਮਿਲ ਹੋਣਗੇ।
ਮਈ ਦੇ ਮਹੀਨੇ ਵਿਚ ਸਰਕਾਰ ਵੱਲੋਂ ਕਿਹਾ ਗਿਆ ਸੀ ਕਿ ਉਹ ਇਸ ਸਮੱਸਿਆ 'ਤੇ ਕੰਮ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਯੋਗਤਾ ਵਿਚ ਕੀਤੀਆਂ ਜਾਣ ਵਾਲੀਆਂ ਤਬਦੀਲੀਆਂ ਬਾਰੇ ਆਉਣ ਵਾਲੇ ਦਿਨਾਂ ਵਿਚ ਜਾਣਕਾਰੀ ਦਿੱਤੀ ਜਾਵੇਗੀ।
ਬਿਜ਼ਨਸ ਲੋਅਨ ਪ੍ਰੋਗਰਾਮ ਨਾਲ 7 ਲੱਖ 30 ਹਜ਼ਰ ਲੋਅਨਜ਼ ਰਾਹੀਂ 29 ਬਿਲਿਅਨ ਡੌਲਰ ਦਾ ਕ੍ਰੈ਼ਡਿਟ ਦਿੱਤਾ ਜਾ ਚੁੱਕਾ ਹੈ।
ਉਹ ਅਦਾਰੇ ਜੋ ਇਸ ਲਈ ਯੋਗ ਹਨ, ਉਨ੍ਹਾਂ ਨੂੰ ਇਸ ਪ੍ਰੋਗਰਾਮ ਰਾਹੀਂ ਵਿਆਜ ਤੋਂ ਬਿਨ੍ਹਾਂ 40 ਹਜ਼ਾਰ ਡੌਲਰ ਤੱਕ ਦਾ ਕਰਜ਼ਾ ਮਿਲ ਸਕਦਾ ਹੈ। ਇਸ ਇਲਾਵਾ ਇੱਕ ਚੌਥਾਈ ਖੜ੍ਹੀ ਹੋਈ ਰਾਸ਼ੀ, ਸਰਕਾਰ ਵੱਲੋਂ ਮਾਫ਼ ਕਰ ਦਿੱਤੀ ਜਾਵੇਗੀ, ਜੇਕਰ ਬਾਕੀ ਭੁਗਤਾਨ 2022 ਦੇ ਅੰਤ ਤੱਕ ਕਰ ਦਿੱਤਾ ਜਾਂਦਾ ਹੈ।
