12.04C Vancouver 12.04C VancouverMay 1, 2021 12:00 AM -
ਕੈਨੇਡਾ ਦੀ ਲਿਬਰਲ ਪਾਰਟੀ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੈਮਿਕ ਵਿਚਾਲੇ ਇਸ ਸਾਲ ਪਾਰਟੀ ਨੇ $3.5 ਮਿਲੀਅਨ ਦੇ ਫੰਡ ਰੇਜ਼ ਕੀਤੇ ਹਨ।
ਪਾਰਟੀ ਬੁਲਾਰੇ ਦਾ ਕਹਿਣਾ ਹੈ ਕਿ ਲਿਬਰਲ ਸਰਕਾਰ ਦਾ ਧਿਆਨ ਵਾਇਰਸ ਨਾਲ ਜਾਰੀ ਲੜਾਈ 'ਤੇ ਹੈ ਜਦਕਿ ਬਾਕੀ ਪਾਰਟੀਆਂ ਨੇ ਚੋਣਾਂ ਲਈ ਧਿਆਨ ਕੇਂਦਰਿਤ ਕੀਤਾ ਹੋਇਆ ਹੈ।
ਲਿਬਰਲ ਪਾਰਟੀ ਦੀ ਮਾਈਨੌਰੀਟੀ ਸਰਕਾਰ ਦੇ ਕਾਰਨ ਫੈਡਰਲ ਪਾਰਟੀਆਂ ਦੇ ਚੋਣਾਂ 'ਤੇ ਧਿਆਨ ਕੇਂਦਰਿਤ ਕਰਨ ਦੀ ਗੱਲ ਆਖੀ ਗਈ ਹੈ।
ਲਿਬਰਲਸ ਦਾ ਕਹਿਣਾ ਹੈ ਕਿ 33,600 ਤੋਂ ਵਧੇਰੇ ਲੋਕਾਂ ਨੇ ਸਾਲ 2021 ਦੇ ਪਹਿਲੇ ਕੁਆਟਰ ਦੌਰਾਨ ਡੋਨੇਸ਼ਨ ਕੀਤੇ ਹਨ।
ਪਾਰਟੀ ਦਾ ਕਹਿਣਾ ਹੈ ਕਿ ਇਸ ਦੌਰਾਨ ਗ੍ਰਾਸਰੂਟ ਮੰਥਲੀ ਡੋਨਰਜ਼ ਦੀ ਗਿਣਤੀ 'ਚ ਰਿਕਾਰਡਤੋੜ ਵਾਧਾ ਹੋਇਆ ਹੈ।
ਇਸ ਵਾਰ 98% ਡੋਨੇਸ਼ਨਾਂ $200 ਜਾਂ ਉਸ ਤੋਂ ਘੱਟ ਦੀਆਂ ਦੱਸੀਆਂ ਗਈਆਂ।
ਇਸ ਦੌਰਾਨ ਡੋਨੇਟ ਕੀਤੀ ਗਈ ਮੀਡੀਅਨ ਰਕਮ ਨੂੰ $10 ਦੀ ਦੱਸਿਆ ਗਿਆ।
ਯਾਦ ਰਹੇ ਕੰਜ਼ਰਵੇਟਿਵਸ ਦਾ ਕਹਿਣਾ ਹੈ ਕਿ ਸਾਲ ਦੇ ਪਹਿਲੇ 3 ਮਹੀਨਿਆਂ ਦੌਰਾਨ ਉਨ੍ਹਾਂ $8.47 ਮਿਲੀਅਨ ਦੀ ਡੋਨੇਸ਼ਨ ਇਕੱਠੀ ਕੀਤੀ ਹੈ।
ਕੰਜ਼ਰਵੇਟਿਵਸ ਨੂੰ ਇਹ ਡੋਨੇਸ਼ਨ ਕਰੀਬ 45,000 ਡੋਨਰਸ ਤੋਂ ਹਾਸਿਲ ਹੋਈ।
