11.38C Vancouver 11.38C VancouverNov 19, 2020 7:07 PM -
ਲਿਬਰਲ ਸਰਕਾਰ ਨੇ ਹਾਊਸ ਆਫ ਕਾਮਨਜ਼ 'ਚ ਇੱਕ ਨਵਾਂ ਬਿੱਲ ਪੇਸ਼ ਕੀਤਾ ਹੈ, ਜਿਸ ਤਹਿਤ ਸਾਲ 2050 ਤੱਕ ਬਹੁਤੇ ਗ੍ਰੀਨ ਹਾਊਸ ਐਮਿਸ਼ਨਸ ਤੋਂ ਛੁਟਕਾਰਾ ਪਾਇਆ ਜਾ ਸਕੇਗਾ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਸ ਸੰਬੰਧੀ ਔਟਵਾ 'ਚ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਐਲਾਨ ਕੀਤਾ।
ਉਨ੍ਹਾਂ ਅਨੁਸਾਰ ਬਿਲ ਸੀ-12 ਇਸ ਟੀਚੇ ਤੱਕ ਪਹੁੰਚਣ ਦਾ ਪਾਰਦਰਸ਼ਿਤਾ ਅਤੇ ਜ਼ਿੰਮੇਵਾਰੀ ਭਰਿਆ ਵਾਅਦਾ ਦਰਸ਼ਾਉਂਦਾ ਹੈ।
ਉਨ੍ਹਾਂ ਕਿਹਾ ਕਿ ਨੈਟ-ਜ਼ੀਰੋ ਐਮਿਸ਼ਨਸ ਪਲੈਨ, ਕਲਾਈਮੇਟ ਬਦਲਾਅ ਦੇ ਪ੍ਰਭਾਵਾਂ ਤੋਂ ਬਚਾਅ ਦੇ ਨਾਲ-ਨਾਲ ਚੰਗੀਆਂ ਨੌਕਰੀਆਂ ਨੂੰ ਹੋਂਦ 'ਚ ਲਿਆਉਣ ਅਤੇ ਚੰਗੇ ਵਿੱਤੀ ਵਿਕਾਸ ਦਾ ਰਸਤਾ ਵਿਖਾਵੇਗਾ।
ਟਰੂਡੋ ਨੇ ਕਿਹਾ ਕਿ ਇਹ ਪਲੈਨ ਅਗਲੇ 30 ਸਾਲ 'ਚ ਵਧੇਰੇ ਗ੍ਰੀਨਹਾਊਸ ਐਮਿਸ਼ਨਸ ਨੂੰ ਹਟਾਉਣ ਦੇ ਉਨ੍ਹਾਂ ਦੇ ਵਾਅਦੇ ਨੂੰ ਹੋਰ ਮਜ਼ਬੂਤੀ ਪ੍ਰਦਾਨ ਕਰਦਾ ਹੈ।
ਯਾਦ ਰਹੇ ਲਿਬਰਲਸ ਨੇ ਸਾਲ 2019 'ਚ ਚੋਣ ਪ੍ਰਚਾਰ ਦੌਰਾਨ ਗ੍ਰੀਨਹਾਊਸ ਗੈਸ ਐਮਿਸ਼ਨਸ 'ਤੇ ਵਧੇਰੇ ਜ਼ੋਰ ਨਾਲ ਕੰਮ ਕਰਨ ਦਾ ਵਾਅਦਾ ਕੀਤਾ ਸੀ।
