24.61C Vancouver 24.61C VancouverOct 5, 2020 10:39 PM -
ਬੀ.ਸੀ. ਲਿਬਰਲ ਪਾਰਟੀ ਦੇ ਲੀਡਰ ਐਨਡਰਿਊ ਵਿਲਕਿਨਸਨ ਨੇ ਅੱਜ ਵੈਨਕੂਵਰ ਵਿੱਚ ਆਪਣੇ ਚੋਣ ਪ੍ਰਚਾਰ ਦੌਰਾਨ, ਮੈੱਸੀ ਟਨਲ ਦੀ ਥਾਂ 'ਤੇ, ਅੱਠ ਤੋਂ ਦਸ ਲੇਨਜ਼ ਵਾਲੇ ਬਰਿੱਜ ਦੀ ਉਸਾਰੀ ਨੂੰ ਦੁਬਾਰਾ ਤੋਂ ਸ਼ੁਰੂ ਕਰਨ ਦਾ ਚੋਣ ਵਾਅਦਾ ਕੀਤਾ ਹੈ।
ਵਿਨਕਿਨਸਨ ਨੇ ਕਿਹਾ ਕੇ ਬਰਿੱਜ 'ਤੇ ਕੋਈ ਟੋਲ ਨਹੀਂ ਹੋਵੇਗਾ, ਇਸ ਦੀ ਲੇਨਜ਼ ਫਲੈਕਸੀਬਲ ਹੋਣਗੀਆਂ, ਇਸ ਵਿੱਚ ਕੁਝ ਬਦਲਾਵਾਂ ਦੇ ਨਾਲ ਸਟੀਵੈਸਟਨ ਹਾਈਵੇਅ ਦੇ ਲਈ ਇੱਕ ਨਵਾਂ ਇਨਟਰਚੇਂਜ ਵੀ ਸ਼ਾਮਿਲ ਹੋਵੇਗਾ ਅਤੇ ਇਸ ਨੂੰ ਵਧੇਰੇ ਇਨਵਾਇਰਮੈਂਟ ਕਨਸਲਟੇਸ਼ਨਜ਼ ਦੇ ਬਿਨਾਂ ਹੀ ਦੁਬਾਰਾ ਸ਼ੁਰੂ ਕੀਤਾ ਜਾ ਸਕੇਗਾ।
ਵਿਲਕਿਨਸਨ ਨੇ ਐਨ.ਡੀ.ਪੀ. ਸਰਕਾਰ ਦੁਆਰਾ ਕੀਤੇ ਗਏ ਕਮਿਊਨਿਟੀ ਬੈਨੇਫਿਟ ਅਗ੍ਰੀਮੈਂਟ ਨੂੰ ਵੀ ਖਤਮ ਕਰਨ ਦਾ ਵਾਅਦਾ ਕੀਤਾ ਹੈ।
ਵਿਲਕਿਨਸਨ ਨੇ ਕਿਹਾ ਕਿ ਇਹ ਬਰਿੱਜ, ਅੱਠ ਬਿਲੀਅਨ ਡਾਲਰ ਦੀ ਇੱਕ ਨਵੀਂ ਯੋਜਨਾ ਦਾ ਹਿੱਸਾ ਹੋਵੇਗਾ ਜਿਸ ਵਿੱਚ ਨਵੇਂ ਸਕੂਲ, ਹਸਪਤਾਲ ਅਤੇ ਸੜਕਾਂ ਬਣਾਈਆਂ ਜਾਣਗੀਆਂ।
ਦੂਜੇ ਪਾਸੇ ਇਸ ਐਲਾਨ 'ਤੇ ਇੱਕ ਪ੍ਰੈੱਸ ਰਿਲੀਜ਼ ਰਾਹੀਂ ਆਪਣਾ ਪ੍ਰਤੀਕਰਮ ਦਿੰਦਿਆਂ ਬੀ.ਸੀ. ਐੱਨ.ਡੀ.ਪੀ. ਦਾ ਕਹਿਣਾ ਹੈ ਕਿ ਐੱਨ.ਡੀ.ਪੀ. ਦੀ, ਮੈੱਸੀ ਟਨਲ ਦੀ ਥਾਂ 'ਤੇ ਇੱਕ ਟੋਲ ਫ੍ਰੀ ਕ੍ਰੋਸਿੰਗ ਬਣਾਉਣ ਦੀ ਯੋਜਨਾ ਨੂੰ ਇਸ ਸਾਲ ਦੇ ਅੰਤ ਤੱਕ ਅੰਤਿਮ ਮਨਜ਼ੂਰੀ ਦਿੱਤੀ ਜਾ ਸਕਦੀ ਹੈ ਅਤੇ ਇਸ ਯੋਜਨਾ ਵਿੱਚ ਕਿਸੇ ਵੀ ਤਰ੍ਹਾਂ ਦੇ ਬਦਲਾਅ ਦੇ ਕਾਰਨ ਇਸ ਪ੍ਰਾਜੈਕਟ ਵਿੱਚ ਦੇਰੀ ਅਤੇ ਫੈਡਰਲ ਫੰਡਿੰਗ ਨੂੰ ਗਵਾਉਣ ਦਾ ਖਤਰਾ ਹੈ।
