13.92C Vancouver 13.92C VancouverOct 7, 2020 7:28 PM -
ਬੀ.ਸੀ. ਲਿਬਰਲ ਲੀਡਰ ਐਨਡਰਿਊ ਵਿਲਕਿਨਸਨ ਨੇ ਅੱਜ ਵੈਨਕੂਵਰ ਵਿੱਚ ਆਪਣੇ ਚੋਣ ਪ੍ਰਚਾਰ ਦੌਰਾਨ ਕਿਹਾ ਕਿ ਸੱਤਾ ਵਿੱਚ ਆਉਣ 'ਤੇ ਬੀ.ਸੀ. ਲਿਬਰਲ ਸਰਕਾਰ ਪੁਲਿਸ ਅਤੇ ਮਾਨਸਿਕ ਸਿਹਤ ਦੀਆਂ ਇਨਟੀਗ੍ਰੇਟਿਡ ਟੀਮਜ਼ ਵਿੱਚ ਨਿਵੇਸ਼ ਕਰੇਗੀ ਤਾਂ ਜੋ ਸਟ੍ਰੀਟ ਕ੍ਰਾਈਮਜ਼ ਨਾਲ ਨਜਿੱਠਣ ਲਈ ਪੁਲਿਸ ਦੇ ਵਧੇਰੇ ਸਰੋਤਾਂ ਨੂੰ ਉਪਲੱਬਧ ਕਰਵਾਇਆ ਜਾ ਸਕੇ।
ਉਨ੍ਹਾਂ ਦੱਸਿਆ ਕਿ ਜਨਤਕ ਸੁਰੱਖਿਆ ਦੇ ਉਪਾਵਾਂ ਲਈ $58 ਮਿਲੀਅਨ ਖਰਚੇ ਜਾਣਗੇ ਅਤੇ ਇਨ੍ਹਾਂ ਉਪਾਵਾਂ ਵਿੱਚ 100 ਹੋਰ ਸਾਇਕੈਟਰਿਕ ਸੋਸ਼ਲ ਵਰਕਰਜ਼ ਅਤੇ ਨਰਸਾਂ, ਸੂਬੇ ਦੇ ਲਈ 200 ਹੋਰ ਪੁਲਿਸ ਅਫ਼ਸਰਾਂ ਅਤੇ ਚਾਲੀ ਫੁੱਲ-ਟਾਈਮ ਕ੍ਰਾਉਨ ਪ੍ਰੋਜ਼ੀਕਿਊਟਰਜ਼ ਨੂੰ ਹਾਇਰ ਕਰਨਾ ਵੀ ਸ਼ਾਮਿਲ ਹੋਵੇਗਾ।
ਦੂਜੇ ਪਾਸੇ ਬੀ.ਸੀ. ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਨੇ ਅੱਜ ਆਪਣੇ ਚੋਣ ਪ੍ਰਚਾਰ ਦੌਰਾਨ ਸੱਤਾ ਵਿੱਚ ਆਉਣ 'ਤੇ ਨਨਾਇਮੋ ਅਤੇ ਕੈਮਲੂਪਸ ਵਿੱਚ ਨਵੇਂ ਕੈਂਸਰ ਸੈਂਟਰ ਬਣਾਉਣ ਦਾ ਵਾਅਦਾ ਕੀਤਾ ਹੈ।
ਬੀ.ਸੀ. ਐਨ.ਡੀ.ਪੀ. ਦੀ ਕੈਂਸਰ ਯੋਜਨਾ ਦੇ ਅਧੀਨ ਮੌਜੂਦਾ ਕੈਂਸਰ ਸੈਂਟਰਾਂ ਨੂੰ ਵੀ ਅਪਗ੍ਰੇਡ ਕੀਤਾ ਜਾਵੇਗਾ।
