ਕੈਨੇਡਾ ਵਿਚ ਅੰਦਰੂਨੀ ਫ੍ਰੀ ਟਰੇਡ ਨੂੰ ਸੌਖਾ ਬਣਾਉਣ ਲਈ ਲਿਬਰਲਜ਼ ਨੇ ਪੇਸ਼ ਕੀਤਾ ਬਿੱਲ

ਕੈਨੇਡਾ ਵਿਚ ਅੰਦਰੂਨੀ ਫ੍ਰੀ ਟਰੇਡ ਅਤੇ ਲੇਬਰ ਮੋਬਿਲਟੀ ਨੂੰ ਆਸਾਨ ਬਣਾਉਣ ਲਈ ਲਿਬਰਲ ਸਰਕਾਰ ਨੇ ਅੱਜ ਇਤਿਹਾਸਕ ਬਿੱਲ ਪੇਸ਼ ਕਰ ਦਿੱਤਾ ਹੈ।ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਕਿਹਾ ਕਿ “ਇੱਕ ਕੈਨੇਡੀਅਨ ਆਰਥਿਕਤਾ” ਬਿੱਲ ਅੰਦਰੂਨੀ ਵਪਾਰ ਵਿਚ ਫੈਡਰਲ ਰੁਕਾਵਟਾਂ ਨੂੰ ਖਤਮ ਕਰੇਗਾ ਅਤੇ ਨੈਸ਼ਨਲ ਰੂਪ ਤੋਂ ਮਹੱਤਵਪੂਰਨ ਪ੍ਰੋਜਕੈਟਸ ਨੂੰ ਜਲਦ ਸ਼ੁਰੂ ਕਰਨ ਲਈ ਕਾਨੂੰਨੀ ਮਨਜ਼ੂਰੀ ਦੇਵੇਗਾ।

ਸਰਕਾਰ ਦਾ ਉਦੇਸ਼ ਬਿੱਲ ਸੀ-5 ਨੂੰ ਹਾਊਸ ਆਫ ਕੌਮਨਜ਼ ਦੇ ਗਰਮੀਆਂ ਦੀ ਬ੍ਰੇਕ 'ਤੇ ਜਾਣ ਤੋਂ ਪਹਿਲਾਂ ਪਾਸ ਕਰਨਾ ਹੈ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਕੈਨੇਡਾ ਡੇਅ ਤੱਕ ਇਸ ਨੂੰ ਲਾਗੂ ਕਰਨ ਦੀ ਗੱਲ ਆਖੀ ਹੈ।

ਗੌਰਤਲਬ ਹੈ ਕਿ ਟਰੰਪ ਵਲੋਂ ਟਰੇਡ ਵਾਰ ਸ਼ੁਰੂ ਕਰਨ ਮਗਰੋਂ ਔਟਵਾ ਅਮਰੀਕਾ 'ਤੇ ਨਿਰਭਰਤਾ ਘਟਾ ਰਿਹਾ ਹੈ ਅਤੇ ਇਹ ਬਿੱਲ ਇਸੇ ਕੋਸ਼ਿਸ਼ ਦਾ ਹਿੱਸਾ ਹੈ, ਜਿਸ ਤਹਿਤ ਕੈਨੇਡਾ ਅੰਦਰ ਵਪਾਰ ਨੂੰ ਆਸਾਨ ਬਣਾ ਕੇ ਅਤੇ ਨਵੇਂ ਪ੍ਰੋਜੈਕਟਸ ਸ਼ੁਰੂ ਕਰਕੇ ਆਰਥਿਕਤਾ ਨੂੰ ਮਜਬੂਤ ਕੀਤਾ ਜਾਵੇਗਾ। ਓਨਟਾਰੀਓ ਅਤੇ ਕਿਊਬੈਕ ਸਮੇਤ ਕਈ ਹੋਰ ਸੂਬਿਆਂ ਨੇ ਵੀ ਵਪਾਰ ਰੁਕਾਵਟਾਂ ਨੂੰ ਖਤਮ ਕਰਨ ਲਈ ਅਜਿਹੇ ਕਾਨੂੰਨ ਪੇਸ਼ ਕੀਤੇ ਹਨ।