10.59C Vancouver 10.59C VancouverMar 20, 2024 4:11 PM - The Canadian Press
ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਟਰੂਡੋ ਸਰਕਾਰ ਖਿਲਾਫ਼ ਅਵਿਸ਼ਵਾਸ ਪ੍ਰਸਤਾਵ ਪੇਸ਼ ਕਰਨ ਜਾ ਰਹੀ ਹੈ। ਪੀਅਰੇ ਪੋਲੀਵਰੇ ਨੇ ਅੱਜ ਸਵੇਰ ਪਾਰਲੀਮੈਂਟ ਹਿੱਲ ਵਿਖੇ ਪਾਰਟੀ ਐੱਮ.ਪੀ.ਐੱਸ. ਨੂੰ ਸੰਬੋਧਨ ਕਰਦੇ ਹੋਏ ਇਸ ਦੀ ਘੋਸ਼ਣਾ ਕੀਤੀ।
ਗੌਰਤਲਬ ਹੈ ਕਿ ਲਿਬਰਲਸ ਦੀ ਘੱਟ ਗਿਣਤੀ ਸਰਕਾਰ ਐੱਨ.ਡੀ.ਪੀ. ਦੇ ਸਮਰਥਨ ਨਾਲ ਚੱਲ ਰਹੀ ਹੈ, ਦੋਹਾਂ ਸਿਆਸੀ ਧਿਰਾਂ ਵਿਚਕਾਰ ਜੂਨ 2025 ਤੱਕ ਸਮਝੌਤੇ ਵਿਚ ਬਣੇ ਰਹਿਣ ਦਾ ਸਮਝੌਤਾ ਹੈ।
ਹਾਊਸ ਆਫ਼ ਕਾਮਨ ਵਿਚ ਕੰਜ਼ਰਵੇਟਿਵ ਦੇ ਕਾਰਬਨ ਟੈਕਸ ਖਿਲਾਫ਼ ਦਿੱਤੇ ਮੋਸ਼ਨ ’ਤੇ ਬਹਿਸ ਦਾ ਅੱਜ ਦੂਜਾ ਦਿਨ ਹੈ। ਪੋਲੀਵਰੇ ਨੇ ਕਿਹਾ ਕਿ ਟਰੂਡੋ ਲਈ ਇਹ ਆਖਰੀ ਮੌਕਾ ਹੈ ਕਿ ਉਹ ਕਾਰਬਨ ਟੈਕਸ ਵਿਚ ਹੋਣ ਵਾਲੇ ਵਾਧੇ ਨੂੰ ਵਾਪਸ ਲੈਣ ਜਾਂ ਫਿਰ ਅਵਿਸ਼ਵਾਸ ਪ੍ਰਸਤਾਵ ਦਾ ਸਾਹਮਣਾ ਕਰਨ ਤਾਂ ਜੋ ਹਾਊਸ ਨੂੰ ਭੰਗ ਕਰਕੇ ਕੈਨੇਡੀਅਨਸ ਕਾਰਬਨ ਟੈਕਸ ਦੇ ਮੁੱਦੇ ’ਤੇ ਇਲੈਕਸ਼ਨ ਵਿਚ ਵੋਟ ਕਰ ਸਕਣ।
ਦੱਸ ਦੇਈਏ ਕਿ 1 ਅਪ੍ਰੈਲ ਤੋਂ ਪਹਿਲਾਂ ਹਾਊਸ ਦੀ ਸੀਟਿੰਗ ਦਾ ਇਹ ਆਖਰੀ ਹਫ਼ਤਾ ਹੈ ਅਤੇ ਕੰਜ਼ਰਵੇਟਿਵ ਵਲੋਂ ਕਾਰਬਨ ਟੈਕਸ ਵਿਚ ਵਾਧੇ ਨੂੰ ਰੋਕਣ ਲਈ ਸਾਰੇ ਹਥਕੰਢੇ ਅਪਣਾਏ ਜਾ ਰਹੇ ਹਨ। ਹਾਲਾਂਕਿ ਐੱਨ.ਡੀ.ਪੀ. ਦੇ ਸਮਰਥਨ ਕਾਰਨ ਲਿਬਰਲਸ ਦੀ ਸਰਕਾਰ ਡਿੱਗਣ ਦੀ ਖ਼ਤਰਾ ਨਹੀਂ ਹੈ।
