12.67C Vancouver 12.67C VancouverAug 20, 2020 7:53 PM -
ਫੈਡਰਲ ਲਿਬਰਲ ਸਰਕਾਰ ਇੱਕ ਅਜਿਹਾ ਇਨਕਮ-ਸਹਿਯੋਗ ਪਲੈਨ ਲਿਆ ਰਹੀ ਹੈ, ਜਿਸ ਦੇ ਨਾਲ ਉਨ੍ਹਾਂ ਵਰਕਰਾਂ ਨੂੰ ਮਦਦ ਮਿਲ ਸਕੇਗੀ, ਜਿੰਨਾ ਦੀ ਕਮਾਈ ਇਸ ਪੈਂਡੇਮਿਕ ਦਰਮਿਆਨ ਕ੍ਰੈਸ਼ ਕਰ ਗਈ ਹੈ।
ਇਸ ਦਾ ਖਰਚਾ $37 ਬਿਲੀਅਨ ਤੱਕ ਰਹਿ ਸਕਦਾ ਹੈ।
ਅੱਜ ਜਾਰੀ ਕੀਤੇ ਗਏ ਵੇਰਵੇ ਦਰਸ਼ਾਉਂਦੇ ਹਨ ਕਿ ਕਰੀਬ 4 ਮਿਲੀਅਨ ਵਰਕਰਾਂ ਨੂੰ ਜੋ ਪ੍ਰਤੀ ਹਫ਼ਤੇ ਦੇ $500 ਦਾ ਸਹਿਯੋਗ ਹਾਸਿਲ ਹੋ ਰਿਹਾ ਹੈ, ਉਹ ਅਗਲੇ ਮਹੀਨੇ ਤੋਂ ਖਤਮ ਹੋ ਜਾਵੇਗਾ।
ਸੀ.ਈ.ਆਰ.ਬੀ. ਦੇ ਲਾਭ ਇੱਕ ਹੋਰ ਮਹੀਨੇ ਤੱਕ ਦਿੱਤੇ ਜਾਣਗੇ।
ਫਿਰ ਇਸ ਨੂੰ ਇੱਕ ਅਜਿਹੇ ਪਲੈਨ ਨਾਲ ਬਦਲ ਦਿੱਤਾ ਜਾਵੇਗਾ, ਜਿੱਥੇ 26 ਹਫ਼ਤੇ ਤੱਕ ਪ੍ਰਤੀ ਹਫ਼ਤਾ $400 ਦੀ ਮਦਦ ਮਿਲੇਗੀ।
ਇਹ ਉਨ੍ਹਾਂ ਲੋਕਾਂ ਲਈ ਹੋਵੇਗਾ ਜੋ ਕਿ ਐਂਪਲਾਏਮੈਂਟ ਇੰਸ਼ੋਰੈਂਸ ਲਈ ਐਲਿਜਿਬਲ ਨਹੀਂ ਹਨ।
ਈ.ਆਈ. ਲਈ ਕੁਆਲੀਫਾਈ ਕਰਨ ਲਈ 52 ਹਫ਼ਤਿਆਂ 'ਚ 120 ਘੰਟੇ ਕੰਮ ਕੀਤਾ ਹੋਣਾ ਚਾਹੀਦਾ ਹੈ।
ਇਸ ਤੋਂ ਇਲਾਵਾ ਪ੍ਰਤੀ ਹਫ਼ਤੇ ਦੇ $500 ਦੇ ਸਿਕਨੈਸ (ਬਿਮਾਰੀ) ਬੈਨੀਫਿਟ ਦਾ ਵੀ ਐਲਾਨ ਕੀਤਾ ਗਿਆ ਹੈ, ਅਤੇ ਇਹ ਉਨ੍ਹਾਂ ਲੋਕਾਂ ਲਈ ਹੈ ਜੋ ਬਿਮਾਰ ਹੋਣ ਕਾਰਨ, ਜਾਂ ਕਿਸੇ ਬੱਚੇ ਦੀ ਦੇਖਭਾਲ ਕਾਰਨ ਕੰਮ 'ਤੇ ਨਹੀਂ ਜਾ ਸਕਦੇ।
ਹਾਊਸ ਆਫ ਕਾਮਨਜ਼ ਦੇ ਪਰੋਰੋਗ ਤੋਂ ਬਾਅਦ, ਮੁੜ ਤੋਂ ਸ਼ੁਰੂ ਹੋਣ 'ਤੇ ਇਸ ਸੰਬੰਧੀ ਕਨੂੰਨ ਲਿਆਂਦਾ ਜਾਵੇਗਾ।
