ਲਿਬਰਲ ਪਾਰਟੀ ਟੈਰੇਬੋਨ ਰਾਈਡਿੰਗ ਤੋਂ ਇਕ ਵੋਟ ਦੇ ਫਰਕ ਨਾਲ ਬਹੁਮਤ ਦੇ ਨੇੜੇ ਪੁੱਜੀ

ਕੈਨੇਡਾ ਦੀ ਸੱਤਧਾਰੀ ਲਿਬਰਲ ਪਾਰਟੀ ਨਿਆਂਇਕ ਪੁਨਰਗਣਨਾ ਵਿਚ ਕਿਊਬੈਕ ਦੀ ਟੈਰੇਬੋਨ ਰਾਈਡਿੰਗ ਤੋਂ ਮਾਤਰ 1 ਵੋਟ ਦੇ ਫਰਕ ਨਾਲ ਜਿੱਤਣ ਮਗਰੋਂ ਬਹੁਮਤ ਦੇ ਕਰੀਬ 170 ਸੀਟਾਂ 'ਤੇ ਪਹੁੰਚ ਗਈ ਹੈ। ਇਹ ਐਲਾਨ ਅਜਿਹੇ ਸਮੇਂ ਆਇਆ ਹੈ ਜਦੋਂ ਕਈ ਹੋਰ ਸੀਟਾਂ ਵਿਚ ਦੁਬਾਰਾ ਗਿਣਤੀ ਚੱਲ ਰਹੀ ਹੈ, ਇਨ੍ਹਾਂ ਵਿਚ ਓਨਟਾਰੀਓ ਦੀਆਂ ਦੋ ਰਾਈਡਿੰਗਸ ਵੀ ਸ਼ਾਮਲ ਹਨ।

ਇਨ੍ਹਾਂ ਵਿਚੋਂ ਇੱਕ ਸੀਟ ਵਿੰਡਸਰ-ਟੇਕਮਸੇਹ-ਲੇਕਸ਼ੋਰ ਦੀ ਹੈ, ਜਿਥੇ ਵੇਲੀਡੇਸ਼ਨ ਪ੍ਰਕਿਰਿਆ ਵਿਚ ਕੰਜ਼ਰਵੇਟਿਵ ਉਮੀਦਵਾਰ ਨੇ 77 ਵੋਟਾਂ ਦੇ ਫਰਕ ਨਾਲ ਲਿਬਰਲ ਦੇ ਉਮੀਦਵਾਰ ਨੂੰ ਹਰਾਇਆ ਸੀ। ਦੂਜੀ ਸੀਟ ਗ੍ਰੇਟਰ ਟੋਰਾਂਟੋ ਖੇਤਰ ਦੀ ਹੈ ਜਿੱਥੇ ਮਿਲਟਨ ਈਸਟ—ਹਾਲਟਨ ਹਿਲਜ਼ ਸਾਊਥ ਵਿਚ ਲਿਬਰਲ ਦੀ ਕ੍ਰਿਸਟੀਨਾ ਟੇਸਰ ਡੇਰਕਸਨ- ਕੰਜ਼ਰਵੇਟਿਵ ਦੇ ਪਰਮ ਗਿੱਲ ਤੋਂ 29 ਵੋਟਾਂ ਨਾਲ ਅੱਗੇ ਹੈ, 13 ਮਈ ਨੂੰ ਇੱਥੇ ਆਟੋਮੈਟਿਕ ਰੀਕਾਉਂਟ ਹੋਵੇਗਾ।