11.54C Vancouver 11.54C VancouverOct 27, 2022 12:04 AM - Connect News
ਬੀ.ਸੀ. ਦੀ ਲਿਊਟਨੈਂਟ ਗਵਰਨਰ ਜੈਨੇਟ ਔਸਟਿਨ ਨੇ ਅੱਜ ਸੂਬੇ ਦੇ ਪ੍ਰੀਮਿਅਰ ਜੌਨ ਹੌਰਗਨ ਨਾਲ ਮੁਲਾਕਾਤ ਕੀਤੀ ਹੈ।
ਜੈਨੇਟ ਔਸਟਿਨ ਨੇ ਹੌਰਗਨ ਦੀ ਸਲਾਹ ਮਨਜੂਰ ਕਰ ਲਈ ਹੈ ਕਿ ਡੇਵਿਡ ਇਬੀ ਨੂੰ ਸੂਬੇ ਦਾ ਨਵਾਂ ਪ੍ਰੀਮਿਅਰ ਥਾਪਿਆ ਜਾਵੇ।
ਲਿਊਟਨੈਂਟ ਗਵਰਨਰ ਨੇ ਪ੍ਰੀਮਿਅਰ ਹੌਰਗਨ ਦਾ ਅਸਤੀਫਾ ਵੀ ਮਨਜੂਰ ਕਰ ਲਿਆ ਹੈ।
ਨਵੇਂ ਪ੍ਰੀਮਿਅਰ ਦੇ ਸਹੁੰ ਚੁੱਕਣ ਦੇ ਨਾਲ ਹੀ ਇਹ ਅਸਤੀਫਾ ਲਾਗੂਹੋ ਜਾਵੇਗਾ।
ਇਸ ਦੇ ਨਾਲ ਹੀ ਜੈਨੇਟ ਔਸਟਿਨ ਨੇ ਪ੍ਰੀਮਿਅਰ ਡੈਜ਼ੀਗਨੇਟ ਡੇਵਿਡ ਇਬੀ ਨਾਲ ਵੀ ਮੁਲਾਕਾਤ ਕੀਤੀ ਹੈ।
ਲਿਊਟਨੈਂਟ ਗਵਰਨਰ ਨੇ ਪ੍ਰੀਮਿਅਰ ਹੌਰਗਨ ਦੀ ਨਿਭਾਈ ਸੇਵਾ ਲਈ ਧੰਨਵਾਦ ਕੀਤਾ।
ਜੈਨੇਟ ਔਸਟਿਨ ਨੇ ਪ੍ਰੀਮਿਅਰ ਹੌਰਗਨ ਦਾ ਗਲੋਬਲ ਪੈਂਡੈਮਿਕ ਅਤੇ ਹੋਰ ਚੁਣੌਤੀਆਂ ਭਰੇ ਸਮੇਂ ਵਿਚਾਲੇ ਦੀ ਸੇਵਾ ਲਈ ਵੀ ਧੰਨਵਾਦ ਕੀਤਾ।
ਉਨ੍ਹਾਂ ਕਿਹਾ ਕਿ ਉਹ ਪ੍ਰੀਮਿਅਰ ਹੌਰਗਨ ਲਈ ਚੰਗੀ ਸਿਹਤ ਅਤੇ ਖੁਸ਼ੀਆਂ ਭਰੇ ਭਵਿੱਖ ਦੀ ਕਾਮਨਾ ਕਰਦੀ ਹਨ।
