12.95C Vancouver 12.95C VancouverMar 29, 2021 5:28 PM -
ਬੀ.ਸੀ. ਦੇ ਸਾਊਥ ਕੋਸਟ ਅਤੇ ਦੱਖਣੀ ਇੰਟੀਰੀਅਰ ਵਿੱਚ ਹਜ਼ਾਰਾਂ ਲੋਕਾਂ ਨੇ ਐਤਵਾਰ ਨੂੰ ਬੱਤੀ ਗੁਲ ਹੋਣ ਦੀ ਸਮੱਸਿਆ ਦਾ ਸਾਹਮਣਾ ਕੀਤਾ।
ਤੇਜ਼ ਹਨੇਰੀਆਂ ਦੇ ਦਸਤਕ ਦੇਣ ਤੋਂ ਬਾਅਦ ਬੀਤੀ ਰਾਤ ਵੀ ਕਈ ਘਰਾਂ ਅਤੇ ਪ੍ਰਾਪਰਟੀਆਂ ਦੀ ਬਿਜਲੀ ਗੁਲ ਰਹੀ।
ਬੀ.ਸੀ. ਹਾਈਡ੍ਰੋ ਦਾ ਕਹਿਣਾ ਹੈ ਕਿ ਅਨੁਮਾਨ ਅਨੁਸਾਰ ਮੈਟਰੋ ਵੈਨਕੂਵਰ, ਵੈਨਕੂਵਰ ਆਈਲੈਂਡ ਅਤੇ ਸਨਸ਼ਾਈਨ ਕੋਸਟ ਦੇ 180,000 ਕਸਟਮਰਸ ਦੀ ਬਿਜਲੀ ਗੁਲ ਰਹੀ ਸੀ।
ਲਗਾਤਾਰ ਮਰੱਮਤ ਦੇ ਕੰਮ ਜਾਰੀ ਰੱਖਣ ਤੋਂ ਬਾਅਦ ਕਰੀਬ 6,000 ਘਰ ਅਤੇ ਪ੍ਰਾਪਰਟੀਆਂ ਅਜਿਹੇ ਰਹਿ ਗਏ ਸਨ ਜਿੱਥੇ ਬਿਜਲੀ ਪਹੁੰਚਣਾ ਬਾਕੀ ਸੀ।
ਐਨਵਾਇਰਨਮੈਂਟ ਕੈਨੇਡਾ ਅਨੁਸਾਰ ਵੈਨਕੂਵਰ ਅਤੇ ਆਲੇ ਦੁਆਲੇ ਦੇ ਇਲਾਕਿਆਂ 'ਚ 90km ਪ੍ਰਤੀ ਘੰਟਾ ਦੀ ਰਫ਼ਤਾਰ 'ਤੇ ਹਨੇਰੀਆਂ ਝੁੱਲੀਆਂ ਸਨ।
ਕਈ ਜਗ੍ਹਾ ਦਰਖ਼ਤ ਡਿੱਗਣ, ਵਾਹਨਾਂ ਦਾ ਨੁਕਸਾਨ ਹੋਣ ਅਤੇ ਪਾਵਰ ਲਾਈਨਸ ਟੁੱਟਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਬੀ.ਸੀ. ਫੈਰੀਸ ਦੀਆਂ ਸੇਵਾਵਾਂ ਵੀ ਐਤਵਾਰ ਨੂੰ ਪ੍ਰਭਾਵਿਤ ਹੋਈਆਂ ਸਨ ਪਰ ਦੱਸਿਆ ਗਿਆ ਕਿ ਸੋਮਵਾਰ ਨੂੰ ਸੇਵਾਵਾਂ ਮੁੜ ਤੋਂ ਸ਼ੁਰੂ ਹੋ ਗਈਆਂ ਸਨ।
ਬੀ.ਸੀ. ਹਾਈਡ੍ਰੋ ਦਾ ਟਵੀਟ:
Crews have restored power to more than 97% of customers impacted by the #BCStorm that hit the #LowerMainland, #SunshineCoast and #VancouverIsland on Sunday. Latest operational update: http://ow.ly/befk50EbaOg
