15.84C Vancouver 15.84C VancouverOct 1, 2021 8:17 PM -
ਸਰੀ ਆਰ.ਸੀ.ਐਮ.ਪੀ. ਨੇ ਲੋਕਾਂ ਨੂੰ ਔਨਲਾਈਨ ਰੋਮਾਂਸ ਨਾਲ ਜੁੜੇ ਠੱਗੀ ਦੇ ਮਾਮਲਿਆਂ ਪ੍ਰਤੀ ਸਾਵਧਾਨ ਕੀਤਾ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਔਨਲਾਈਨ ਰੋਮਾਂਸ ਸਿਰਫ ਦਿਲ ਟੁੱਟਣ ਦਾ ਹੀ ਨਹੀਂ ਬਲਕਿ ਵੱਡੀ ਠੱਗੀ ਦਾ ਵੀ ਕਾਰਨ ਬਣ ਸਕਦਾ ਹੈ।
ਇਸ ਸਾਲ ਜਨਵਰੀ ਤੋਂ ਅਗਸਤ ਵਿਚਾਲੇ ਪੁਲਿਸ ਨੂੰ ਇਸ ਪ੍ਰਕਾਰ ਦੇ ਧੋਖੇ ਸੰਬੰਧੀ 29 ਸ਼ਿਕਾਇਤਾਂ ਮਿਲੀਆਂ ਹਨ।
ਇਸ ਦੌਰਾਨ ਕੁੱਲ $1.3 ਮਿਲੀਅਨ ਤੋਂ ਵਧੇਰੇ ਦੀ ਰਕਮ ਦਾ ਨੁਕਸਾਨ ਝੱਲਣਾ ਪਿਆ ਹੈ।
ਇਸੇ ਸਮੇਂ ਦੌਰਾਨ ਪੂਰੇ ਲੋਅਰ ਮੇਨਲੈਂਡ 'ਚ ਇਸ ਪ੍ਰਕਾਰ ਦੇ 213 ਪੀੜਤਾਂ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਨ੍ਹਾਂ ਮਾਮਲਿਆਂ 'ਚ $22.4 ਮਿਲੀਅਨ ਤੋਂ ਵਧੇਰੇ ਦੀ ਰਕਮ ਠੱਗੀ ਜਾ ਚੁੱਕੀ ਹੈ।
ਆਮ ਤੌਰ 'ਤੇ ਅਜਿਹੇ ਮਾਮਲਿਆਂ 'ਚ ਝੂਠੀ ਪਛਾਣ, ਝੂਠੀ ਜਾਣਕਾਰੀ ਅਤੇ ਝੂਠੀਆਂ ਤਸਵੀਰਾਂ ਵਰਤੀਆਂ ਜਾਂਦੀਆਂ ਹਨ।
ਕਈ ਮਾਮਲਿਆਂ 'ਚ ਸੋਸ਼ਲ ਮੀਡੀਆ 'ਤੇ ਔਨਲਾਈਨ ਰੋਮਾਂਸ ਦੇ ਦੌਰਾਨ ਠੱਗੀ ਦਾ ਸਾਹਮਣਾ ਕਰਨਾ ਪਿਆ ਹੈ।
ਕਈ ਸ਼ਿਕਾਇਤਾਂ 'ਚ ਦੱਸਿਆ ਗਿਆ ਕਿ ਕਿਸੇ ਗਲਤ ਇਨਵੈਸਟਮੈਂਟ ਸਕੀਮ ਦੇ ਜਰੀਏ ਠੱਗੀ ਮਾਰੀ ਗਈ।
ਪੁਲਿਸ ਦਾ ਕਹਿਣਾ ਹੈ ਕਿ ਪੈਂਡੈਮਿਕ ਵਿਚਾਲੇ ਬਹੁਤ ਸਾਰੇ ਲੋਕ ਔਨਲਾਈਨ ਦੋਸਤਾਂ ਦੀ ਭਾਲ ਕਰ ਰਹੇ ਹਨ ਜਿਸ ਦਾ ਫਾਇਦਾ ਅਜਿਹੇ ਲੋਕ ਚੁੱਕ ਰਹੇ ਹਨ।
