18.08C Vancouver 18.08C VancouverApr 29, 2021 3:42 PM -
ਲਿਬਰਲ ਸਰਕਾਰ ਵਲੋਂ ਮਿਲਟਰੀ ਵਿੱਚ ਜਿਣਸੀ ਸ਼ੋਸ਼ਣ ਅਤੇ ਹੋਰ ਦੁਰਾਚਾਰਾਂ ਨਾਲ ਨਜਿੱਠਣ ਲਈ ਇੱਕ ਸੁਤੰਤਰ ਜਾਂਚ ਕਰਵਾਈ ਜਾਵੇਗੀ।
ਸੁਪਰੀਮ ਕੋਰਟ ਦੇ ਸਾਬਕਾ ਜਸਟਿਸ ਲੂਈਸ ਆਰਬਰ ਇਸ ਦੀ ਅਗਵਾਈ ਕਰਣਗੇ।
ਰੱਖਿਆ ਮੰਤਰੀ ਹਰਜੀਤ ਸੱਜਣ ਨੇ ਅੱਜ ਆਰਬਰ ਦੀ ਨਿਯੁਕਤੀ ਦਾ ਐਲਾਨ ਕੀਤਾ ਹੈ
ਬੀਤੇ 3 ਮਹੀਨਿਆਂ ਦੌਰਾਨ ਕਨੇਡੀਅਨ ਆਰਮਡ ਫੋਰਸਿਜ਼ ਦੇ ਚੋਟੀ ਦੇ ਕਮਾਂਡਰਾਂ ਉੱਤੇ ਅਣਉਚਿਤ ਵਿਵਹਾਰ ਦੇ ਇਲਜ਼ਾਮਾਂ ਦੀਆਂ ਖ਼ਬਰਾਂ ਸੁਰਖੀਆਂ ਵਿੱਚ ਰਹੀਆਂ ਹਨ।
ਆਰਬਰ ਮਨੁੱਖੀ ਅਧਿਕਾਰਾਂ ਲਈ ਸੰਯੁਕਤ ਰਾਸ਼ਟਰ ਦੇ ਸਾਬਕਾ ਹਾਈ ਕਮਿਸ਼ਨਰ ਹਨ ਅਤੇ ਉਨ੍ਹਾਂ ਨੂੰ ਪੀੜਤਾਂ ਦੇ ਸਹਿਯੋਗ, ਆਰਮਡ ਫੋਰਸਿਜ਼ ਵਿੱਚ ਦੁਰਾਚਾਰ ਨੂੰ ਰੋਕਣ ਅਤੇ ਦੋਸ਼ੀਆਂ ਨੂੰ ਸਜ਼ਾ ਦੇਣ ਲਈ ਇੱਕ ਸੁਤੰਤਰ ਸਿਸਟਮ ਨੂੰ ਸਥਾਪਤ ਕਰਣ ਦੀ ਜ਼ਿਮੇਂਵਾਰੀ ਸੌਂਪੀ ਗਈ ਹੈ।
ਇਸ ਵਿੱਚ ਮਿਲਟਰੀ ਵਿੱਚ ਭਰਤੀ, ਸਕ੍ਰੀਨਿੰਗ ਅਤੇ ਸਰਵਿਸ ਦੇ ਮੈਂਬਰਾਂ ਦੀ ਟ੍ਰੇਨਿੰਗ, ਇਹੋ ਜਿਹੀਆਂ ਸ਼ਿਕਾਇਤਾਂ ਨਾਲ ਨਜਿੱਠਣ ਦੀ ਬੇਹਤਰ ਕਾਰਗੁਜ਼ਾਰੀ ਅਤੇ ਪੀੜਤਾਂ ਨੂੰ ਪ੍ਰਦਾਨ ਕੀਤੇ ਜਾਂਦੇ ਸਹਿਯੋਗ ਅਤੇ ਦੋਸ਼ੀਆਂ ਦੀ ਜਾਂਚ ਅਤੇ ਸਜ਼ਾ ਦੀ ਕਾਰਵਾਈ ਵੀ ਸ਼ਾਮਲ ਹਨ।
ਜ਼ਿਕਰਯੋਗ ਹੈ ਕਿ ਆਰਬਰ ਵਿਅਕਤੀਗਤ ਕੇਸਾਂ ਦੀ ਪੜਚੋਲ ਨਹੀਂ ਕਰਨਗੇ, ਜਿਨ੍ਹਾਂ ਵਿਚੋਂ ਬਹੁਤ ਸਾਰੇ ਫਿਲਹਾਲ ਸਰਗਰਮ ਸੈਨਿਕ ਪੁਲਿਸ ਜਾਂਚ ਅਧੀਨ ਹਨ, ਪਰ ਇਸ ਦੀ ਬਜਾਏ ਇਸ ਬਾਰੇ ਸਿਫਾਰਸ਼ਾਂ ਕਰਨਗੇ ਕਿ ਮਿਲਟਰੀ ਕਿਵੇਂ ਬਿਹਤਰ ਪ੍ਰਦਰਸ਼ਨ ਕਰ ਸਕਦੀ ਹੈ।
