25.53C Vancouver 25.53C VancouverJun 21, 2020 3:46 PM -
ਕੱਲ ਸ਼ਾਮ ਹਜ਼ਾਰਾਂ ਲੋਕਾਂ ਨੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਟਲਸਾ, ਓਕਲਾਹੌਮਾ ਵਿਖੇ ਹੋਈ ਵਿਵਾਦਿਤ ਰੈਲੀ ਵਿੱਚ ਹਿੱਸਾ ਲਿਆ।
ਰੈਲੀ ਵਿੱਚ ਸ਼ਾਮਲ ਹੋਣ ਵਾਲੇ ਕਈ ਟਰੰਪ ਸਮਰਥਕਾਂ ਨੇ ਮਾਸਕ ਵੀ ਨਹੀਂ ਪਹਿਨਿਆ ਹੋਇਆ ਸੀ।
ਟਰੰਪ ਦੇ ਰੈਲੀ ਤੋਂ ਪਹਿਲਾਂ ਦੇ ਦਾਅਵਿਆਂ ਤੋਂ ਉਲਟ, ਬੀ.ਓ.ਕੇ ਸੈਂਟਰ ਵਿੱਚ 19000 ਦੀ ਸਮਰੱਥਾ ਤੋਂ ਕਾਫ਼ੀ ਘੱਟ ਲੋਕ ਵੇਖਣ ਨੂੰ ਮਿਲੇ।
ਟਰੰਪ ਨੇ ਕਿਹਾ ਸੀ ਕਿ ਇੱਕ ਮਿਲੀਅਨ ਤੋਂ ਵੀ ਵੱਧ ਲੋਕ ਇਸ ਰੈਲੀ ਲਈ ਟਿਕਟ ਖਰੀਦਣ ਦੇ ਇਛੁੱਕ ਹਨ।
ਟਰੰਪ ਦੇ ਪ੍ਰਚਾਰ ਪ੍ਰਬੰਧਕਾਂ ਦਾ ਕਹਿਣਾ ਸੀ ਕਿ ਪ੍ਰਦਰਸ਼ਨਕਾਰੀਆਂ ਨੇ ਟਰੰਪ ਸਮਰਥਕਾਂ ਨੂੰ ਸਟੇਡੀਅਮ ਵਿੱਚ ਦਾਖ਼ਲ ਹੀ ਨਹੀਂ ਹੋਣ ਦਿੱਤਾ।
ਪਰ ਟਲਸਾ ਵਿੱਚ ਮੌਜੂਦ ਪੱਤਰਕਾਰਾਂ ਨੇ ਇਸ ਦਾਅਵੇ ਨੂੰ ਝੂਠਾ ਕਰਾਰ ਦਿੱਤਾ।
ਰੈਲੀ ਦੌਰਾਨ ਪ੍ਰਦਰਸ਼ਨਕਾਰੀਆਂ ਅਤੇ ਟਰੰਪ ਸਮਰਥਕਾਂ ਵਿਚਕਾਰ ਤਣਾਅ ਬਣਿਆ ਰਿਹਾ ਪਰ ਕੋਈ ਹਿੰਸਾਤਮਕ ਘਟਨਾ ਦੀ ਖ਼ਬਰ ਦਰਜ ਨਹੀਂ ਕੀਤੀ ਗਈ।
ਡੋਨਾਲਡ ਟਰੰਪ ਨੇ ਆਪਣੇ ਭਾਸ਼ਨ ਦੌਰਾਨ ਕਈ ਵਿਵਾਦਿਤ ਬਿਆਨ ਦਿੱਤੇ।
ਉਹਨਾਂ ਕੋਵਿਡ-19 ਦੀ ਟੈਸਟਿੰਗ ਨੂੰ ਦੋ-ਧਾਰੀ ਤਲਵਾਰ ਦਸਦੇ ਹੋਏ ਕਿਹਾ ਕਿ ਜਿੰਨੀ ਜ਼ਿਆਦਾ ਟੈਸਟਿੰਗ ਹੋਵੇਗੀ, ਉਤਨੇ ਹੀ ਵੱਧ ਮਾਮਲੇ ਸਾਹਮਣੇ ਆਉਣਗੇ।
ਟਰੰਪ ਨੇ ਕਿਹਾ ਕਿ ਇਸੀ ਕਾਰਨ ਉਹਨਾਂ ਨੇ ਆਪਣੇ ਅਧਿਕਾਰੀਆਂ ਨੂੰ ਘੱਟ ਟੈਸਟਿੰਗ ਕਰਨ ਲਈ ਕਿਹਾ ਹੈ।
