ਫਰਾਂਸ ਦੇ ਰਾਸ਼ਟਰਪਤੀ ਦੇ ਕੈਨੇਡਾ ਦੌਰੇ 'ਤੇ ਮੈਕਰੋਨ ਅਤੇ ਟਰੂਡੋ ਦੀ ਮੁਲਾਕਾਤ

ਪੀ.ਐੱਮ ਜਸਟਿਨ ਟਰੂਡੋ ਨੇ ਬੁੱਧਵਾਰ ਨੂੰ ਔਟਵਾ ਸਥਿਤ ਆਪਣੀ ਰਿਹਾਇਸ਼ 'ਤੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੂੰ ਪ੍ਰਾਈਵੇਟ ਡਿਨਰ ਦਿੱਤਾ ਅਤੇ ਉਨ੍ਹਾਂ ਦਾ ਕੈਨੇਡਾ ਦੌਰੇ ਦਾ ਸਵਾਗਤ ਕੀਤਾ।

ਮੈਕਰੋਨ ਦਾ ਇਹ ਦੂਜਾ ਕੈਨੇਡਾ ਦੌਰਾ ਹੈ। ਦੋਵੇਂ ਲੀਡਰਸ ਅੱਜ ਓਟਵਾ ਅਤੇ ਮਾਂਟਰੀਅਲ ਵਿਚ ਕਈ ਅਹਿਮ ਮੁੱਦਿਆਂ 'ਤੇ ਚਰਚਾ ਕਰਨਗੇ, ਇਨ੍ਹਾਂ ਵਿਚ ਪ੍ਰਮੁੱਖ ਗੱਲਬਾਤ ਯੂਕਰੇਨ, ਗਲਤ ਜਾਣਕਾਰੀ ਅਤੇ ਆਰਟੀਫਿਸ਼ੀਅਲ ਇੰਟੈਲਿਜੇੰਸ 'ਤੇ ਹੋਵੇਗੀ। ਉੱਥੇ ਹੀ, ਦੋਵੇਂ ਲੀਡਰਸ ਵਲੋਂ ਆਪਣੇ ਸਾਮਾਨ ਰਾਜਨੀਤਕ ਹਾਲਾਤ 'ਤੇ ਵੀ ਚਰਚਾ ਕਰਨ ਦੀ ਉਮੀਦ ਹੈ ਕਿਉਂਕਿ ਦੋਵੇਂ ਸਿਆਸਤਦਾਨ ਆਪਣੇ ਵੋਟਰ ਵਿਚ ਗੈਰ-ਪ੍ਰਸਿੱਧ ਹੋ ਗਏ ਹਨ। ਮੈਕਰੋਨ ਟਰੂਡੋ ਦੇ ਕੈਨੇਡਾ ਵਿਚ ਸੱਤਾ ਸੰਭਾਲਣ ਦੇ ਦੋ ਸਾਲ ਬਾਅਦ 2017 ਵਿਚ ਫਰਾਂਸ ਦੇ ਰਾਸ਼ਟਰਪਤੀ ਚੁਣੇ ਗਏ ਸਨ ਅਤੇ ਉਦੋਂ ਤੋਂ ਦੋਹਾਂ ਦੀ ਅਕਸਰ ਤੁਲਨਾ ਕੀਤੀ ਜਾਂਦੀ ਰਹੀ ਹੈ। ਟਰੂਡੋ ਅਤੇ ਮੈਕਰੋਨ ਅਗਲੇ ਹਫਤੇ ਫਰਾਂਸ ਵਿਚ ਫ੍ਰੈਂਕੋਫੋਨੀ ਸੰਮੇਲਨ ਵਿਚ ਵੀ ਮੁਲਾਕਾਤ ਕਰਨਗੇ।

ਇਸ ਤੋਂ ਪਹਿਲਾਂ ਇਹ ਦੋਵੇਂ ਲੀਡਰਸ ਇਸ ਹਫਤੇ ਸੰਯੁਕਤ ਰਾਸ਼ਟਰ ਮਹਾਸਭਾ ਦੀ ਬੈਠਕ ਵਿਚ ਸ਼ਾਮਲ ਹੋਣ ਲਈ ਨਿਊਯਾਰਕ ਸਿਟੀ ਵਿਚ ਇਕੱਠੇ ਸਨ, ਜਿੱਥੇ ਮੈਕਰੋਨ ਨੇ ਸੰਯੁਕਤ ਰਾਸ਼ਟਰ ਜਨਰਲ ਅਸੈਂਬਲੀ ਨੂੰ ਸੰਬੋਧਨ ਵਿਚ ਭਾਰਤ ਨੂੰ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਵਿਚ ਸਥਾਈ ਸੀਟ ਦਿੱਤੇ ਜਾਣ ਦਾ ਸਮਰਥਨ ਕੀਤਾ।