12.06C Vancouver 12.06C VancouverMar 26, 2021 5:32 PM -
ਸਰੀ 'ਚ ਅਗਲੇ ਹਫ਼ਤੇ ਇੱਕ ਨਵਾਂ ਸਕੂਲ ਖੁੱਲ੍ਹਣ ਜਾ ਰਿਹਾ ਹੈ।
ਇਸੇ ਸਕੂਲ ਈਅਰ 'ਚ ਖੁੱਲ੍ਹਣ ਵਾਲਾ ਇਹ ਇਲਾਕੇ ਦਾ ਤੀਜਾ ਸਕੂਲ ਹੋਵੇਗਾ।
ਇਸ ਦੇ ਨਾਲ 600 ਤੋਂ ਵੱਧ ਵਿਦਿਆਰਥੀਆਂ ਨੂੰ ਕਲਾਸ ਰੂਮ ਹਾਸਿਲ ਹੋਣਗੇ।
ਸਿੱਖਿਆ ਮੰਤਰੀ, ਜੈਨੀਫਰ ਵਾਈਟਸਾਈਡ ਦਾ ਕਹਿਣਾ ਹੈ ਕਿ ਇਹ ਸਰੀ ਦੇ ਵਿਦਿਆਰਥੀਆਂ ਅਤੇ ਪਰਿਵਾਰਾਂ ਲਈ ਉਤਸ਼ਾਹਿਤ ਕਰਨ ਵਾਲੀ ਖਬਰ ਹੈ।
ਉਨ੍ਹਾਂ ਕਿਹਾ ਕਿ ਸਾਬਕਾ ਸਰਕਾਰ ਵੱਲੋਂ ਕਈ ਸਾਲਾਂ ਤਕ ਘੱਟ ਨਿਵੇਸ਼ ਕਰਨ ਤੋਂ ਬਾਅਦ ਹੁਣ ਸਰੀ ਦੇ ਪਰਿਵਾਰਾਂ ਨੂੰ ਮੌਜੂਦਾ ਸਰਕਾਰ ਵੱਲੋਂ ਕੀਤਾ ਜਾ ਰਿਹਾ ਮਜ਼ਬੂਤ ਕੰਮ ਸਪਸ਼ਟ ਵਿਖਾਈ ਦੇਣ ਲੱਗਾ ਹੈ।
ਮੰਤਰਾਲੇ ਨੇ ਨਵੇਂ ਮੈਢੌਗ ਐਲੀਮੈਂਟਰੀ ਸਕੂਲ ਦੇ ਲਈ $23.8 ਮਿਲੀਅਨ ਪ੍ਰਦਾਨ ਕੀਤੇ ਸਨ ਜਦਕਿ ਸਰੀ ਸਕੂਲ ਡਿਸਟ੍ਰਿਕਟ ਵੱਲੋਂ $7.4 ਮਿਲੀਅਨ ਪ੍ਰਦਾਨ ਕੀਤੇ ਗਏ ਸਨ।
ਯਾਦ ਰਹੇ ਸਿਤੰਬਰ ਮਹੀਨੇ ਤੋਂ ਸਰੀ 'ਚ ਐਜਵੁਡ ਅਤੇ ਡਗਲਸ ਐਲੀਮੈਂਟਰੀ ਸਕੂਲਾਂ ਦੀ ਵੀ ਸ਼ੁਰੂਆਤ ਹੋ ਚੁੱਕੀ ਹੈ।
