17.05C Vancouver 17.05C VancouverDec 2, 2022 1:21 AM - The Canadian Press
ਵਿਨੀਪੈਗ 'ਚ ਇੱਕ ਆਦਮੀ 'ਤੇ 4 ਔਰਤਾਂ ਦੇ ਕਤਲ ਦੇ ਦੋਸ਼ ਲੱਗੇ ਹਨ।
ਵਿਨੀਪੈਗ ਪੁਲਿਸ ਨੇ ਸ਼ਹਿਰ ਦੇ ਮੇਅਰ ਦੀ ਮੌਜੂਦਗੀ 'ਚ ਇੱਕ ਪ੍ਰੈਸ ਕਾਨਫਰੰਸ ਕਰ ਜਾਣਕਾਰੀ ਦਿੱਤੀ ਕਿ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦਾ ਨਾਮ ਜੈਰਮੀ ਸਕਿਬਕੀ ਹੈ।
ਇਸ ਵਿਅਕਤੀ 'ਤੇ ਪਹਿਲਾਂ ਇੱਕ 24 ਸਾਲਾ ਇੰਡੀਜਨਸ ਔਰਤ ਦੇ ਕਤਲ ਦੇ ਦੋਸ਼ ਲੱਗੇ ਸਨ ਪਰ ਹੁਣ ਇਸ 'ਤੇ 3 ਹੋਰ ਔਰਤਾਂ ਦੇ ਕਤਲ ਦੇ ਦੋਸ਼ ਲਗਾਏ ਗਏ ਹਨ।
ਜੈਰਮੀ ਸਕਿਬਕੀ ਨੂੰ ਇਸੇ ਸਾਲ ਮਈ ਦੇ ਮਹੀਨੇ 'ਚ ਰਬੈਕਾ ਕਾਨਟਵਾ ਨਾਮ ਦੀ ਔਰਤ ਦੇ ਕਤਲ ਦੇ ਦੋਸ਼ਾਂ 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ।
ਔਰਤ ਦਾ ਮ੍ਰਿਤ ਸ਼ਰੀਰ ਇੱਕ ਅਪਾਰਟਮੈਂਟ ਇਮਾਰਤ ਦੇ ਨੇੜ ਗਾਰਬੇਜ ਬਿਨ 'ਚ ਮਿਲਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਉਸੇ ਸਮੇਂ ਹੋਰ ਪੀੜਤਾਂ ਦੇ ਹੋਣ ਦਾ ਸ਼ੱਕ ਜ਼ਾਹਿਰ ਕੀਤਾ ਗਿਆ ਸੀ।
ਹੁਣ ਪੁਲਿਸ ਦਾ ਕਹਿਣਾ ਹੈ ਕਿ ਜੈਰਮੀ ਸਕਿਬਕੀ 'ਤੇ 39 ਸਾਲਾ ਮੌਰਗਨ ਬਿਟਰੀਸ ਹੈਰਿਸ, 26 ਸਾਲਾ ਮਰਸੀਡੀਸ ਮਿਰਨ ਅਤੇ ਇੱਕ ਹੋਰ ਔਰਤ ਦੇ ਕਤਲ 'ਚ ਫਰਸਟ ਡਿਗਰੀ ਕਤਲ ਦੇ ਦੋਸ਼ ਲੱਗੇ ਹਨ।
ਚੌਥੀ ਪੀੜਤ ਔਰਤ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਗਈ ਹੈ।
ਘਟਨਾ ਸੰਬੰਧੀ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਵਿਨੀਪੈਗ ਦੇ ਮੇਅਰ ਸਕੌਟ ਗੀਲਿੰਘਮ ਦਾ ਕਹਿਣਾ ਸੀ ਕਿ ਕਮਿਊਨਿਟੀ ਨੂੰ ਵਧੇਰੇ ਸੁਰੱਖਿਅਤ ਬਣਾਉਣ ਲਈ ਸਾਰੇ ਜ਼ਰੂਰੀ ਕਦਮ ਚੁੱਕੇ ਜਾਣਗੇ।
