20.39C Vancouver 20.39C VancouverApr 15, 2025 7:26 PM - The Canadian Press
ਸਰੀ ਦੇ 55 ਸਾਲਾ ਰਾਜਿੰਦਰ ਸਿੰਘ ਚਾਹਲ ਨੂੰ ਵੈਨਕੂਵਰ ਸਕਾਈ ਟਰੇਨ ਵਿਚ ਜਿਨਸੀ ਹਮਲੇ ਦੀਆਂ ਤਿੰਨ ਘਟਨਾਵਾਂ ਦੇ ਸਬੰਧ ਵਿਚ ਚਾਰਜ ਕੀਤਾ ਗਿਆ ਹੈ। ਮੈਟਰੋ ਵੈਨਕੂਵਰ ਟਰਾਂਜ਼ਿਟ ਪੁਲਿਸ ਨੇ ਮੰਗਲਵਾਰ ਨੂੰ ਇੱਕ ਬਿਆਨ ਵਿਚ ਕਿਹਾ ਕਿ ਚਾਹਲ ਨੂੰ ਉਸ ਦੀ ਅਗਲੀ ਅਦਾਲਤ ਵਿਚ ਪੇਸ਼ੀ ਤੱਕ ਸਖ਼ਤ ਸ਼ਰਤਾਂ ਨਾਲ ਹਿਰਾਸਤ ਤੋਂ ਰਿਹਾਅ ਕੀਤਾ ਗਿਆ ਹੈ। ਇਨ੍ਹਾਂ ਸ਼ਰਤਾਂ ਵਿਚ ਉਸ ਦੇ ਟਰਾਂਜ਼ਿਟ ਵਿਚ ਸਵਾਰ ਹੋਣ 'ਤੇ ਪਾਬੰਦੀ ਵੀ ਸ਼ਾਮਲ ਹੈ।
ਪੁਲਿਸ ਨੇ ਕਿਹਾ ਕਿ 55 ਸਾਲਾ ਰਾਜਿੰਦਰ ਸਿੰਘ ਚਾਹਲ ਖਿਲਾਫ ਪਹਿਲਾ ਮਾਮਲਾ ਜਨਵਰੀ 2024 ਵਿਚ ਦਰਜ ਕੀਤਾ ਗਿਆ ਸੀ ਜਦੋਂ ਇੱਕ ਲੜਕੀ ਨੇ ਸ਼ਿਕਾਇਤ ਕੀਤੀ ਸੀ ਕਿ ਭੀੜ ਨਾਲ ਭਰੀ ਕੈਨੇਡਾ ਲਾਈਨ ਟਰੇਨ ਵਿਚ ਉਸ ਨਾਲ ਇੱਕ ਵਿਅਕਤੀ ਨੇ ਗਲਤ ਤਰੀਕੇ ਨਾਲ ਸਰੀਰਕ ਸੰਪਰਕ ਕੀਤਾ ਸੀ।
11 ਅਪ੍ਰੈਲ 2024 ਨੂੰ ਇਸੇ ਟਰੇਨ ਵਿਚ ਇੱਕ ਨਾਬਾਲਗ ਲੜਕੀ ਨਾਲ ਉਸ ਵਲੋਂ ਗਲਤ ਹਰਕਤਾਂ ਕੀਤੀਆਂ ਗਈਆਂ ਸਨ ਅਤੇ ਤੀਜੀ ਘਟਨਾ 9 ਮਈ 2024 ਨੂੰ ਭੀੜ ਨਾਲ ਭਰੀ ਐਕਸਪੋ ਲਾਈਨ ਟਰੇਨ ਵਿਚ ਵਾਪਰੀ ਸੀ।
