17.27C Vancouver 17.27C VancouverMay 17, 2022 9:59 PM - The Canadian Press
ਨਿਊ ਵੈਸਟਮਿਨਸਟਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਆਦਮੀ 'ਤੇ ਹਮਲੇ ਦਾ ਦੋਸ਼ ਲੱਗਿਆ ਹੈ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਆਦਮੀ ਦੀ ਉਮਰ 50 ਸਾਲ ਦੱਸੀ ਗਈ ਹੈ।
ਮਾਮਲਾ ਇੱਕ ਆਦਮੀ ਨੂੰ ਬਿਨਾ ਕਿਸੇ ਵਜ੍ਹਾ ਧੱਕਾ ਦੇਣ ਅਤੇ ਹਮਲਾ ਕਰਨ ਨਾਲ ਸੰਬੰਧਤ ਹੈ।
ਪੁਲਿਸ ਅਨੁਸਾਰ ਘਟਨਾ ਬੀਤੇ ਵੀਰਵਾਰ ਨੂੰ ਸੈਪਰਟਨ ਸਕਾਈਟਰੇਨ ਸਟੇਸ਼ਨ ਦੇ ਨੇੜੇ ਵਾਪਰੀ ਸੀ।
ਪੁਲਿਸ ਅਨੁਸਾਰ ਸ਼ੱਕੀ ਅਤੇ ਪੀੜਤ ਇੱਕ ਦੂਜੇ ਦੇ ਨੇੜੇ ਤੋਂ ਟ੍ਰਾਂਜ਼ਿਟ ਪਲੈਟਫਾਰਮ ਵੱਲ ਜਾਂਦੇ ਓਵਰਪਾਸ ਤੋਂ ਗੁਜਰੇ ਸਨ।
ਇੱਕ ਪ੍ਰਤੱਖਦਰਸ਼ੀ ਨੇ ਹਮਲਾ ਹੁੰਦੇ ਵੇਖਿਆ ਅਤੇ 911 ਕਾਲ ਕੀਤੀ।
ਇਸ ਵਿਅਕਤੀ ਨੇ ਪੀੜਤ ਨੂੰ ਮਦਦ ਪ੍ਰਦਾਨ ਕਰਨ ਲਈ ਮੌਕੇ 'ਤੇ ਹੀ ਰਹਿਣਾ ਬਿਹਤਰ ਸਮਝਿਆ।
ਸ਼ੱਕੀ ਨੂੰ ਜਲਦੀ ਹੀ ਪੁਲਿਸ ਨੇ ਕਾਬੂ ਕਰ ਲਿਆ ਸੀ।
ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਮਾਮਲਾ ਪਰੇਸ਼ਾਨ ਕਰਨ ਵਾਲਾ ਹੈ ਕਿਉਂਕਿ ਅਜਿਹੇ ਬਿਨਾ ਵਜ੍ਹਾ ਦੇ ਹਮਲੇ 'ਚ ਪੀੜਤ ਕੋਲ ਮੌਕਾ ਨਹੀਂ ਹੁੰਦਾ ਕਿ ਆਪਣਾ ਬਚਾਅ ਕੀਤਾ ਜਾ ਸਕੇ।
ਪੁਲਿਸ ਨੇ ਕਾਲ ਕਰਨ ਵਾਲੇ ਵਿਅਕਤੀ ਦੀ ਪ੍ਰਸ਼ੰਸਾ ਕੀਤੀ।
