14.99C Vancouver 14.99C VancouverFeb 18, 2021 1:29 AM -
ਨਾਮੀ ਰੈਪਰ ਨਿੱਕੀ ਮਿਨਾਜ ਦੇ ਪਿਤਾ ਦੀ 'ਹਿਟ ਐਂਡ ਰਨ' ਮਾਮਲੇ ਦੌਰਾਨ ਹੋਈ ਮੌਤ ਵਿੱਚ ਹੁਣ ਇੱਕ ਵਿਅਕਤੀ ਦੀ ਗ੍ਰਿਫਤਾਰੀ ਹੋਈ ਹੈ।
ਮਾਮਲੇ 'ਚ ਬੁੱਧਵਾਰ ਨੂੰ ਇੱਕ 70 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਵਿਅਕਤੀ ਦਾ ਨਾਮ ਚਾਰਲਸ ਪੌਲੇਵਿਚ ਦੱਸਿਆ ਗਿਆ ਹੈ।
ਪੁਲਿਸ ਅਨੁਸਾਰ ਇਸ ਵਿਅਕਤੀ ਨੇ ਟੱਕਰ ਤੋਂ ਬਾਅਦ ਇੱਕ ਵਾਰ ਗੱਡੀ ਰੋਕੀ ਸੀ ਅਤੇ ਪੀੜਤ ਵਿਅਕਤੀ ਤੋਂ ਜਾਨਣ ਦੀ ਕੋਸ਼ਿਸ਼ ਕੀਤੀ ਸੀ ਕਿ ਉਹ ਠੀਕ ਮਹਿਸੂਸ ਕਰ ਰਿਹਾ ਹੈ।
ਹਾਲਾਂਕਿ ਇਸ ਵਿਅਕਤੀ ਨੇ ਮੈਡਿਕਲ ਮਦਦ ਲਈ ਸੰਪਰਕ ਨਹੀਂ ਕੀਤਾ।
ਇਸ ਘਟਨਾ 'ਚ 64 ਸਾਲਾ ਰੌਬਰਟ ਮਾਰਾਜ ਦੀ ਮੌਤ ਹੋ ਗਈ ਸੀ।
ਘਟਨਾ ਨਿਊ ਯੌਰਕ ਦੇ ਲੌਂਗ ਆਈਲੈਂਡ 'ਤੇ ਵਾਪਰੀ ਸੀ।
ਪੌਲੇਵਿਚ 'ਤੇ ਮੌਕੇ ਤੋਂ ਨਿਕਲਣ ਅਤੇ ਸਬੂਤਾਂ ਨਾਲ ਛੇੜਛਾੜ ਦੇ ਦੋਸ਼ ਲੱਗੇ ਹਨ।
ਫਿਲਹਾਲ ਇਹ ਵਿਅਕਤੀ ਜ਼ਮਾਨਤ 'ਤੇ ਰਿਹਾਅ ਦੱਸਿਆ ਗਿਆ ਹੈ।
