ਸਮੁੰਦਰ ਦੀਆਂ ਛੱਲਾਂ ’ਤੇ ਕਾਰ ਦੜਾਉਣ ਵਾਲੇ ਨੂੰ ਪੁਲਿਸ ਨੇ ਕੀਤਾ ਗ੍ਰਿਫਤਾਰ

ਪੋਰਟ ਮੂਡੀ ਵਿਚ ਬੀਤੀ ਰਾਤ ਇਕ ਲਾਈਵਸਟ੍ਰੀਮ ਦੌਰਾਨ ਪਾਣੀ ਵਿਚ ਕਾਰ ਚਲਾਉਣ ਦਾ ਇਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ ਜਿਸ ਦੇ ਡਰਾਇਵਰ ਨੂੰ ਪੁਲਿਸ ਵਲੋਂ ਗ੍ਰਿਫਤਾਰ ਕਰ ਲਿਆ ਗਿਆ।

ਪੋਰਟ ਮੂਡੀ ਪੁਲਿਸ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਇਕ 19 ਸਾਲਾ ਨੌਜਵਾਨ ਨੂੰ ਗ੍ਰਿਫਤਾਰ ਕੀਤਾ ਜੋ ਰੌਕੀ ਪੁਆਇੰਟ ਪਾਰਕ ਵਿਚ ਪਾਣੀ ਵਿਚ ਕਾਰ ਚਲਾ ਰਿਹਾ ਸੀ। ਕਾਂਸਟੇਬਲ

ਸੈਮ ਜ਼ਕਰਿਆਸ ਅਨੁਸਾਰ ਰਾਤ ਕਰੀਬ 10 ਵਜੇ ਪੁਲਿਸ ਅਧਿਕਾਰੀਆਂ ਨੂੰ ਇਕ ਲਾਈਵਸਟ੍ਰੀਮ ਹੋਣ ਦੀ ਖਬਰ ਮਿਲੀ ਸੀ। ਜ਼ਕਰਿਆਸ ਦਾ ਕਹਿਣਾ ਸੀ ਕਿ ਵੀਡੀਓ ਵਿੱਚ ਨਜ਼ਰ ਆ ਰਹੇ ਵਿਅਕਤੀ ਨੂੰ ਸੰਯੁਕਤ ਪ੍ਰਾਂਤ ਤੋਂ ਬਾਹਰੋਂ ਤੋਂ ਓਪਰੇਟ ਹੋ ਰਹੇ ਇਸ ਲਾਈਵਸਟ੍ਰੀਮ ਵਿਚ ਆਪਣੀ ਗੱਡੀ ਨੂੰ ਬੁਰਾਰਡ ਇਨਲੇਟ ਵਿੱਚ ਚਲਾਉਣ ਲਈ ਪੈਸੇ ਦਿੱਤੇ ਗਏ ਸਨ।

ਜ਼ਕਰਿਆਸ ਅਨੁਸਾਰ ਜਦ ਪੁਲਿਸ ਮੌਕੇ ’ਤੇ ਪਹੁੰਚੀ ਤਾਂ ਕਾਰ ਪੂਰੀ ਤਰ੍ਹਾਂ ਪਾਣੀ ਵਿਚ ਡੁੱਬ ਚੁੱਕੀ ਸੀ। ਡਰਾਈਵਰ ਨੂੰ ਮੌਕੇ ’ਤੇ ਹਿਰਾਸਤ ਵਿੱਚ ਲੈ ਲਿਆ ਗਿਆ ਅਤੇ ਪੁੱਛਗਿੱਛ ਕੀਤੀ ਗਈ। ਉਸ ਨੂੰ ਮੌਕੇ ਤੋਂ ਰਿਹਾਅ ਕਰ ਦਿੱਤਾ ਗਿਆ ਅਤੇ ਉਸ ’ਤੇ ਅਪਰਾਧਿਕ ਚਾਰਜ ਲਗਾਏ ਜਾਣ ਬਾਰੇ ਸਮੀਖਿਆ ਕੀਤੀ ਜਾ ਰਹੀ ਹੈ। ਜ਼ਕਰਿਆਸ ਅਨੁਸਾਰ ਅਜਿਹੇ ਕੰਮ ਖਤਰਨਾਕ ਹੋ ਸਕਦੇ ਹਨ।